अरुण डोंगळे आंबेडकरांना भेटले; संजय घाटगेही 'वंचित'च्या संपर्कात 

राष्ट्रवादीचे जिल्हा परिषद सदस्य जीवन पाटील इच्छुक आहेत. ते ही सातत्याने आंबेडकर यांच्या संपर्कात आहेत.
अरुण डोंगळे आंबेडकरांना भेटले; संजय घाटगेही 'वंचित'च्या संपर्कात 

कोल्हापूर : राधानगरी विधानसभा मतदारसंघातून इच्छुक असलेले 'गोकुळ'चे संचालक अरुण डोंगळे यांनी बहुजन वंचित आघाडीचे नेते ऍड. प्रकाश आंबडेकर यांची आज भेट घेतली. कागल मतदारसंघातून मुख्यमंत्री देवेंद्र फडणवीस यांनी म्हाडा पुणेचे अध्यक्ष समरजितसिंह घाटगे यांची उमेदवारी घोषित केल्याने माजी आमदार संजय घाटगे नाराज आहेत. त्यांनीही आता वंचित आघाडीशी संपर्क साधला असल्याचे सांगण्यात येत आहे.

दोनेक दिवसांत आचारसंहिता जाहीर होण्याची शक्‍यता आहे. त्यामुळे उमेदवारीसाठी इच्छुकांनी मोर्चेबांधणी सुरू केली आहे. युती-आघाडीत उमेदवारीवरून रस्सीखेच सुरू असतानाच आता वंचित आघाडीकडेही इच्छुकांच्या फेऱ्या सुरू झाल्या आहेत. "गोकुळ'चे संचालक अरुण डोंगळे हे राधानगरी-भुदरगड मतदारसंघातून तयारी करत आहेत. त्यांनी आज वंचित आघाडीचे नेते ऍड. प्रकाश आंबेडकर यांची भेट घेतली. यापूर्वीही त्यांनी एकदा आंबेडकर यांची भेट घेतली आहे. आजच्या भेटीत डोंगळे यांच्या मेळाव्याची तसेच पुढील राजकीय वाटचालीची चर्चा झाल्याचे सांगण्यात येत आहे. याच मतदारसंघातून राष्ट्रवादीचे जिल्हा परिषद सदस्य जीवन पाटील इच्छुक आहेत. ते ही सातत्याने आंबेडकर यांच्या संपर्कात आहेत.

महाजनादेश यात्रेच्या निमित्ताने दौऱ्यावर आलेल्या मुख्यमंत्री देवेंद्र फडणवीस यांनी कागल येथून समरजितसिंह घाटगे यांची उमेदवारी जाहीर केली. सध्या भाजप-शिवसेना युतीची चर्चा आहे. ही जागा सेनेच्या वाट्याची आहे. येथून माजी आमदार संजय घाटगे किंवा त्यांचे पुत्र अंबरिश घाटगे रिंगणात असणार आहेत. मात्र, मुख्यमंत्र्यांनी समरजितसिंह यांची घोषणा केल्याने संजय घाटगे व सेनेला धक्‍का मानला जात आहे. युती होऊन सेनेने हा बदल मान्य केल्यास अडचण येऊ नये म्हणून संजय घाटगे यांनी वंचित आघाडीशी संपर्क साधला असल्याचे सांगण्यात येत आहे.
 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com