पुणे: "दादा, मी छोटा माणूस आहे. मला कोरोनाच्या संकटसमयी मदत करायची आहे. मी दिलेली रक्कम कमी आहे हे मला माहिती आहे पण आजघडीला मला जेवढं करता येईल तेवढं करत आहे," असा संदेश दिल्ली येथे सैन्य दलात सेवेत असलेल्या अजित शंकर शेंडगे यांनी उपमुख्यमंत्री अजित पवार यांना पाठवला आहे. या संदेशासोबत पाच हजार रुपये पाठवत आहे, असं त्यांनी म्हटलं आहे.
जवान अजित शेंडगे हे मूळ तासगाव तालुक्यातील पेड गावचे आहेत. त्यांनी कोविड-19 च्या संदर्भाने उभारण्यात आलेल्या मुख्यमंत्री सहाय्यता निधीस ही मदत केली आहे. त्यासोबत उपमुख्यमंत्री अजित पवार यांना टेक्स्ट मेसेज पाठवला असून त्यात त्यांनी आपल्या भावना व्यक्त केल्या आहेत.
अजित शेंडगे यांनी संदेशात म्हटले आहे की, "महाराष्ट्रात कोरोना रोग वाढत चालला आहे. यापरिस्थितीत उपाययोजनांसाठी 5 हजार रुपये देण्याची माझी इच्छा आहे. बाकीच्या लोकांनी खूप निधी दिला आहे. तो माझ्यापेक्षा खूप मोठा आहे याची मला जाणीव आहे. पण उपमुख्यमंत्री अजितदादा पवार यांना माझी नम्र विनंती आहे ही मदत ती फुल ना फुलाची पाकळी समजून स्विकारावी."
अजित शेंडगे यांचे वडील शंकर शेंडगे यांनीही सैन्यदलात काम केले आहे. त्यांनी त्यांच्या वाढदिवसाच्या निमित्ताने गावात गरीब विद्यार्थ्यांना कपडे वाटप केले होते. सामाजिक कार्याची आवड असलेले शेंडगे सध्या दिल्ली येथे ड्युटीवर आहेत.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.