सरकारनामा ब्यूरो
महाराष्ट्राचे राज्यपाल भगतसिंह कोश्यारी यांनी पदमुक्त होण्याची इच्छा पंतप्रधानांकडे व्यक्त केली होती.
जीवनातील उर्वरित काळ अध्ययन, मनन व चिंतनात व्यतीत करण्याची इच्छा मोदींना बोलून दाखवली होती. त्यामुळे आता महाराष्ट्राच्या राज्यपालपदासाठी अनेक नावं समोर येत आहे.
महाराष्ट्राचे नवीन राज्यपाल म्हणून ओम माथूर यांच्या नावाची जोरदार चर्चा आहे.
भाजपचे ज्येष्ठ नेते ओम प्रकाश माथूर राजस्थानमधील फलना येथील बेडल गावचे रहिवासी आहेत. सध्या ते राजस्थानमधून राज्यसभेचे सदस्य आहेत.
याआधी ते राजस्थान भाजपचे प्रदेशाध्यक्षही राहिले आहेत.
ते पंतप्रधान नरेंद्र मोदी आणि केंद्रीय गृहमंत्री अमित शाह यांच्या अत्यंत जवळचे मानले जातात.
ओम माथूर हे गुजरात भाजपचे सरचिटणीसही आहेत. ओमप्रकाश माथूर हे छत्तीसगडचे राज्य प्रभारी बनण्यापूर्वी उत्तर प्रदेशच्या राज्य प्रभारीपदाची जबाबदारी सांभाळत होते. याआधी ते गुजरात आणि महाराष्ट्राचे प्रभारी होते.
माथूर हे 'आरएसएस'चे राष्ट्रीय प्रचारकही राहिले आहेत. तसेच उत्तर प्रदेशातील भाजपच्या विजयात माथूर यांचे महत्त्वाचे योगदान आहे.