सरकारनामा ब्यूरो
कर्नाटक केडरचे पूर्व आयपीएस अधिकारी के अन्नामलाई यांची 8 जुलै रोजी तामिळनाडू भाजप प्रदेशाध्यक्षपदी नियुक्ती करण्यात आली.
तामिळनाडूमध्ये वयाच्या 36 व्या वर्षी प्रदेशाध्यक्षपदापर्यंत मजल मारणारे ते सर्वात कमी वयाचे भाजप नेते आहेत.
राजकारणात प्रवेश करण्यापूर्वी त्यांनी आयपीएस अधिकारी म्हणून कर्नाटकच्या पोलीस दलात एक काळ गाजवला आहे.
कोएंबतूर येथून इंजिनिअरिंगचे शिक्षण घेतल्यानंतर त्यांनी लखनऊ आयआयएममधून एमबीएचं शिक्षण घेतलं.
समाजसेवा- देशसेवा करण्यासाठी सरकारी नोकरी करायची' "ठरवली. केंद्रीय लोकसेवा आयोगाची परीक्षा उत्तीर्ण होत त्यांनी आयपीएस म्हणून लोकांची सेवा करण्यास सुरुवात केली.
पोलीस दलात दहा वर्षांची सेवा देत त्यांनी 25 मे 2019 रोजी आपल्या पदाचा राजीमाना दिला. राजीनामा दिला त्यावेळी ते बंगळुरु दक्षिणचे डीसीपी होते.
उडपीमध्ये S.P. असताना त्यानी आपली कारकीर्द गाजवली. तिथल्या कॉलेजात ड्रग माफियांचं जाळं होतं. त्यांनी अण्णानं मोडून काढलं. त्यांनी केलेल्या कामामुळे त्यांना 'सिंघम ऑफ उडपी' ही पदवी मिळाली.
25 ऑगस्ट 2020 मध्ये त्यांनी भाजपत प्रवेश केला. तामिळनाडूमध्ये झालेल्या विधानसभेची निवडणूकही त्यांनी लढवली होती. मात्र, या निवडणुकीमध्ये त्यांना अपयश आलं होतं.
नंतरच्या दीड वर्षात त्यांनी तामिळनाडूमध्ये जे लोकप्रियतेचं वादळ निर्माण केलं ते अभूतपूर्व आहे. के. अन्नमालाई यांनी भाजपत प्रवेश केल्यानंतर त्यांच्याकडे आता तामिळनाडूच्या प्रदेशाध्यक्षपदाची जबाबदारी देण्यात आली.