सरकारनामा ब्यूरो
महाराष्ट्र क्रिकेट असोशिएशनच्या अध्यक्षपदी रोहित पवार यांची बिनविरोध निवड झाली आहे.
पुण्यातील गहुंजे स्टेडियमवर ही निवडणूक पार पडली.
अध्यक्षपदी निवड होताच रोहित पवार कामाला लागले आहेत.
"आवडत्या खेळासाठी काम करण्याची संधी मिळाल्याचं", त्यांनी सोशल मीडियावरील पोस्टमध्ये म्हटलं आहे.
"आदरणीय पवार साहेबांनी अनेक वर्ष खेळासाठी भरीव कामगिरी केली आहे. त्यांचं मार्गदर्शन, अजितदादा आणि सुप्रिया सुळे यांचा पाठिंबा आहे."
एमसीएचे अनेक माजी अध्यक्ष व अन्य पदाधिकाऱ्यांचीही या निवडीसाठी मोलाची मदत झाली, अशी भावना पवार यांनी व्यक्त केली.