सरकारनामा ब्युरो
रशिया-युक्रेन युद्धाच्या पार्श्वभूमीवर प्रथमच युक्रेनच्या उपपरराष्ट्र मंत्री एमिने झापरोवा चार दिवसांच्या भारत दौऱ्यावर आल्या आहेत.
भारतात आल्यानंतर त्यांनी एक ट्विट केले आहे. त्यात त्यांनी भारताचा विश्वगुरू म्हणून गौरव केल्याचे दिसून येत आहे.
एमिने झापरोवा म्हणतात, "ज्या भूमीने अनेक ऋषी, संत आणि गुरूंना जन्म दिला त्या भूमीला भेट देऊन आनंद झाला."
सचिव संजय वर्मा यांची त्यांनी भेट घेतली आणि युक्रेनचे अध्यक्ष झेलान्स्की यांच्या शांतता फॉर्म्युल्याबाबत चर्चा केली.
एमिने झापरोवा यांनी परराष्ट्र मंत्रालयाच्या अधिकाऱ्यांसोबत दिल्लीत बैठक घेतली.
झापरोवा परराष्ट्र व्यवहार आणि संस्कृती राज्यमंत्री मीनाक्षी लेखी यांच्यासह भारताच्या परराष्ट्र मंत्रालयातील अधिकाऱ्यांशी चर्चा करणार आहेत.
एमिने झापरोवांनी पंतप्रधान नरेंद्र मोदी यांना कीव भेटीचे निमंत्रण दिले आहे.