सरकारनामा ब्युरो
पार्थ आणि रोहित पवार यांच्या रुपाने राष्ट्रवादीचे अध्यक्ष शरद पवार यांची तिसरी पिढी राजकारणात सक्रिय झाली आहे. आज पार्थ पवारांचा वाढदिवस आहे.
मुंबईच्या एचआर महाविद्यालयातून कॉमर्सची पदवी घेतल्यानंतर पार्थ पवार यांनी लंडनमधील विद्यापीठातून वकिलीची पदवी घेतली. सध्या ते कौटुंबिक व्यवसाय सांभाळतात.
पार्थ हे उत्कृष्ट क्रीडापटू असून त्यांनी अॅथलेटिक्समध्ये विविध पुरस्कार मिळविलेत. फुटबॉल, टेनिस खेळणे हे त्यांचे छंद आहेत.
२०१४ मध्ये वयाच्या २४ वर्षी मामा पद्मसिंह पाटील यांच्या प्रचारात सहभाग घेऊन पार्थ यांनी राजकीय वाटचालीची चुणूक दाखविली.
पार्थ यांनी २०१९ मध्ये मावळ लोकसभा मतदारसंघातून निवडणूक लढविली, मात्र त्यांना पराभव स्वीकारावा लागला.
काही दिवसांपूर्वी मुख्यमंत्री एकनाथ शिंदे, मंत्री शंभूराज देसाई यांची भेट घेतल्याने पार्थ पवार राष्ट्रवादीवर नाराज असल्याची चर्चा झाली होती.
आयकर विभागाने पार्थ पवार यांच्या मुंबई येथील कार्यालयावर धाड टाकली होती.
राममंदिराचे स्वागत आणि अभिनेता सुशांत सिंग राजपूतच्या कथित आत्महत्येची सीबीआय चौकशीची मागणीबद्दल पार्थ पवार यांच्यावर पक्षातूनच टीका झाली.
पार्थ पवार २०२४ च्या लोकसभेतून 'श्रीगणेशा' करणार का, याकडे राज्याचे लक्ष लागले आहे.