सरकारनामा ब्यूरो
काँग्रेस नेते राहुल गांधी यांनी सावरकरांबद्दल केलेल्या वक्तव्यानंतर संपूर्ण राज्यात राजकीय वातावरण तापलं आहे.
राहुल गांधी यांनी सावरकरांचा अपमान केल्याचं म्हणत भाजप आणि शिवसेना (शिंदे गट) आक्रमक झाली आहे.
भारतीय जनता पक्ष व शिवसेनेने (शिंदे गट) ‘वीर सावरकर गौरव यात्रा’ काढण्याची घोषणा केली आहे.
या यात्रेची पूर्वतयारी म्हणून मुख्यमंत्री एकनाथ शिंदे आणि शिंदे गटाच्या नेत्यांनी फेसबुक, ट्वीटरचे कव्हर व प्रोफाइल फोटो बदलले आहेत.
एकनाथ शिंदे यांच्या फेसबुक, ट्विटरवर याआधी शिवसेनाप्रमुख दिवंगत बाळासाहेब ठाकरे यांचा फोटो होता.
आता त्या जागी सावरकरांचा फोटो लावण्यात आला आहे.
प्रोफाइल फोटोवर ‘आम्ही सारे सावरकर’ असं नमूद करण्यात आलं आहे.
कव्हर फोटोवर सावरकरांच्या कवितेच्या 'अनादि मी अनंत मी… अवध्य मी भला…' या कवितेच्या ओळी आहेत.