सरकारनामा ब्यूरो
विधानसभेच्या हिवाळी अधिवेशनास आजपासून नागपुरात सुरुवात झाली.
राष्ट्रवादीच्या आमदार सरोज अहिरे आज त्यांच्या अडीच महिन्यांच्या बाळाला घेऊन विधानभवन परिसरात आल्या. त्यावेळी त्यांनी बाळासह मुख्यमंत्र्याची भेट घेतली.
बाळाची आई असतांनाही त्यांनी कर्तव्याला प्राधान्य दिल्याने त्याचं सोशल मीडियावर कौतुक केलं जात आहे.
सरोज अहिरे या नाशिक जिल्ह्यातील देवळाली विधानसभा मतदारसंघातील आमदार आहेत.
'मतदारसंघातील प्रश्न विधानसभेत मांडणं महत्त्वाचं असून त्यासाठी मी विधानभवनात बाळाला घेऊन आले आहे', असं माध्यमांशी बोलताना त्या म्हणाल्या.
बाळाची आई आणि लोकप्रतिनिधी या दोन्ही जबाबदाऱ्या पार पाडणं महत्त्वाचं आहे. त्यामुळे दोन्ही कर्तव्ये एकाचवेळी बजावत असल्याचं सरोज अहिरेंनी म्हटलं आहे.