सरकारनामा ब्यूरो
पोटनिवडणुकीचे कसब्याचे विजयी आमदार रवींद्र धंगेकर यांचा आज विधिमंडळात शपथविधी पार पडला.
विधीमंडळाचे अर्थसंकल्पीय अधिवेशन सध्या सुरू आहे. या अधिवेशनात त्यांनी आईचे नाव सुरुवातीला लावतं शपथ घेतली.
"मी प्रथम माझ्या कसबा विधानसभा मतदारसंघातील मतदारांना नमस्कार करतो. तसेच मी 'रविंद्र लक्ष्मीबाई उर्फ सुलोचना हेमराज धंगेकर' विधानसभेचा सदस्य म्हणून निवडून आलो असल्याने " असा उल्लेख करत धंगेकरांनी शपथ घेतली.
रवींद्र धंगेकरांनी या शपथविधी आधी शिवसेनाप्रमुख बाळासाहेब ठाकरे यांच्या स्मृतीस्थळावर जाऊन आदरांजली वाहिली.
काँग्रेसचे राष्ट्रीय अध्यक्ष मल्लिकार्जुन खरगे यांची बंगळूरुमध्ये त्यांच्या निवासस्थानी भेट घेतली.
शिवसेना पक्षप्रमुख उद्धव ठाकरे, रश्मी ठाकरे, युवासेनाप्रमुख आदित्य ठाकरे यांची मतोश्रीवर जाऊन भेट घेतली.
"माझ्या राजकीय व सामाजिक जीवनाची सुरुवात ज्या शिवसेनेतून झाली आज शिवसेनेच्या पक्षप्रमुखांकडून मला मिळालेला सन्मान लाख मोलाचा आहे." असे मत धंगेकरांनी यावेळी व्यक्त केले.
मनसे प्रमुख राज ठाकरे यांच्या शिवतीर्थ या निवासस्थानी भेट घेतले यावेळी शर्मिला ठाकरे यांनी धंगेकरांचे औक्षण केले.
"विधान सभेतील माझी कारकीर्द सुरू करण्यापूर्वी राजसाहेबांची झालेली भेट उर्जादायी अशीच होती." असे यावेळी धंगेकर म्हणाले.