सरकारनामा ब्युरो
काँग्रेसचे नेते राहुल गांधी यांची खासदारकी रद्द झाल्यानंतर लक्षद्वीपचे खासदार पीपी मोहम्मद फैजल यांचीच चर्चा झाली.
गांधी आणि फैजल यांना शिक्षा झाल्यानंतर लोकप्रतिनिधी कायद्यानुसार त्यांची खासदारकी रद्द झाली आहे.
राष्ट्रवादी काँग्रेस पक्षाचे महाराष्ट्राबाहेरील फैजल एकमेव खासदार आहेत.
फैजल यांना २००९च्या लोकसभेवेळी काँग्रेस नेत्याच्या खुनाचा प्रयत्नाच्या गुन्ह्यात दोषी ठरवून १० वर्षांची शिक्षा सुनावली होती.
सत्र न्यायालयाच्या आदेशाविरुद्ध फैजल यांनी केरळ उच्च न्यायालयात अपील केले. ते प्रलंबित असतानाच निवडणूक आयोगाने लक्षद्वीपच्या पोटनिवडणुकीची घोषणा केली.
पोटनिवडणुकीपूर्वी केरळ उच्च न्यायालयाने फैजल यांना सुनावलेली शिक्षा आणि १० वर्षांची शिक्षा स्थगित केली. त्यानंतर निवडणूक आयोगानेही पोटनिवडणूक थांबवण्याचा निर्णय घेतला.
केंद्रशासित प्रदेश लक्षद्वीपने केरळ उच्च न्यायालयाच्या निर्णयाला सर्वोच्च न्यायालयात आव्हान दिले. त्यास नकार देत याचिकेवर २८ मार्च रोजी सुनावणी ठेवली.
नव्या याचिकेत फैजल यांनी लोकसभा सचिवालयाने १३ जानेवारीची अपात्रता अधिसूचना मागे न घेण्याला आव्हान दिले आहे.