सरकारनामा ब्यूरो
पहिल्या महिला महाराष्ट्र केसरीचा मान पटकावणारी प्रतीक्षा बागडी ही मूळची सांगलीच्या तुंग गावची आहे.
प्रतीक्षा ही 21 वर्षांची असून ती सांगली येथील एका कुस्ती केंद्रात सराव करते. तिने या आधी अनेक स्पर्धेतही अनेक पदके पटकावली आहेत.
प्रतीक्षा बागडीने गुणांच्या बरोबरीत असलेल्या वैष्णवी पाटीलला आपल्या खास शैलीतील लपेट डावातून चितपट केले.
सांगलीची प्रतीक्षा बागडी शुक्रवारी (दि.24 मार्च) पहिली महिला महाराष्ट्र केसरी ठरली.
परिस्थितीमुळे वडिलांना कुस्तीची आवड सोडावी लागली होती. त्यांच स्वप्न मी पूर्ण केलं, असं म्हणत महाराष्ट्र केसरी पुरस्कार पटकावल्यावर प्रतिक्षा भावूक झाली.
महाराष्ट्रात पहिल्यांदाच महिला महाराष्ट्र केसरी स्पर्धेचं आयोजन करण्यात आलं होतं. सांगलीत ही महिला कुस्ती स्पर्धा पार पडली.
मान्यवरांकडून विजेत्या प्रतिक्षाला चांदीची गदा, महाराष्ट्र केसरी किताब आणि रोख 51 हजार रुपये देऊन गौरविण्यात आले.