Sunil Balasaheb Dhumal
देशभरातील कामांमुळे नितीन गडकरी 'पुलकरी' या नावानेही ओळखले जातात. कामातून ओळख निर्माण करणारे गडकरींचा २७ मे हा जन्म दिवस आहे.
१९५७ चा जन्म असलेले नितीन गडकरी हे तरुण वयापासूनच संघाशी जोडले गेले होते. त्यांच्यावर त्यांच्या आई भानुताई यांचा प्रभाव होता.
त्यांनी बी.कॉमची पदवी घेतल्यानंतर एल.एल.बीचे शिक्षण घेतले.
विद्यार्थीदशेत असताना ते १९७६ मध्ये अखील भारतीय विद्यार्थी परिषदेचे सदस्य होते.
गडकरी २४ व्या वर्षी भारतीय जनता युवा मोर्चाचे नागपूरचे अध्यक्ष होते. आणीबाणीतही त्यांनी काम केले. पुढे नितीन गडकरी भाजप नागपूर शहराचे सचिव झाले.
१९८९ साली ते विधान परिषदेचे आमदार झाले. पुढे २० वर्षापर्यंत ते विधान परिषदेचे सदस्य होते. त्यांनी विधान परिषदेचं विरोधी पक्षनेतेपद भूषवले.
ते महाराष्ट्र भाजपाचे अध्यक्ष होते. २००९-२०१३ या काळात भाजपाचे राष्ट्रीय अध्यक्ष होते.
१९९५ ते १९९९ या काळात महाराष्ट्र सरकारचे सार्वजनिक बांधकाम मंत्री म्हणून गडकरी यांनी उल्लेखनीय काम केलेले आहे.
नितीन गडकरी भाजपाचे महाराष्ट्रातील मोठे नेते आहेत. ते सध्या मोदी मंत्रिमंडळात रस्ते वाहतूक आणि महामार्ग मंत्री आहेत.