सरकारनामा ब्यूरो
भारत आणि ऑस्ट्रेलिया कसोटी मालिकेतील चौथा आणि शेवटचा सामना अहमदाबादच्या नरेंद्र मोदी स्टेडियमवर खेळला जात आहे.
या सामन्याच्या आधीच दोन्ही देशांचे पंतप्रधान स्टेडियमवर दाखल झाले होते.
भारताचे पंतप्रधान नरेंद्र मोदी यांनी रोहित शर्माला विशेष कॅप दिली आणि ऑस्ट्रेलियाचे पंतप्रधान अँथनी अल्बानीज यांनी सामन्यापूर्वी स्टीव्ह स्मिथला विशेष कॅप दिली.
राज्यपाल आचार्य देवव्रत, मुख्यमंत्री भूपेंद्र पटेल, हर्ष सांघवी, बीसीसीआयचे अध्यक्ष रॉजर बिन्नी आणि सचिव जय शाह यांनी पंतप्रधान नरेंद्र मोदी आणि अँथनी अल्बानीज यांचं स्वागत केलं.
नाणेफेकीच्या वेळी नरेंद्र मोदी आणि अँथनी अल्बानीज मैदानात फिरून प्रेक्षकांचं स्वागत करताना दिसले.
स्टेडिअममध्ये पंतप्रधानांनी खेळाडूंची भेट घेतली.
स्टेडियममध्ये प्रेक्षकांसाठी हा क्षण संस्मरणीय ठरला.
जागतिक कसोटी चॅम्पियनशिपच्या दृष्टिकोनातून ही कसोटी भारतासाठी अत्यंत महत्त्वाची आहे.
ऑस्ट्रेलियाचे पंतप्रधान अल्बानीज हे चार दिवसांच्या भारत दौऱ्यावर आहेत.
राष्ट्रगीतासाठीही देखील दोन्ही पंतप्रधान संघांसोबत उभे असल्याचं दिसलं.