सरकारनामा ब्यूरो
पत्राचाळ गैरव्यवहार प्रकरणी शिवसेनेचे खासदार संजय राऊत यांना शंभर दिवसानंतर आज जामीन मिळाला आहे.
31 जुलै 2022 रोजी संजय राऊत यांना अटक करण्यात आली होती.
अटक झाल्यानंतर संजय राऊत हे आर्थर रोड कारागृहात होते. राऊतांना पोलिस कोठडी आणि नंतर त्यांची न्यायालयीन कोठडी झाली. तेव्हा पासून राऊत हे आर्थर रोड कारागृहामध्ये होते.
संजय राऊत यांना मागील अनेक दिवसांपासून जामीन नाकारण्यात येत होता.
कोठडीत असतांना राज्यात राजकीय घडामोडीवर ते लक्ष ठेऊन होते. यावेळी ते वर्तमानपञ आणि पुस्तकाचे वाचन करत होते, अशी माहिती मिळत होती.
आई..मी लवकरच परत येईन...संजय राऊत यांना जामीन नाकारल्यानर कोठडीतून त्यांचं आईला भावनिक पत्र लिहीले होते. याची माध्यमांमद्धे चर्चा होती.
ईडीकडून पुन्हा राऊतांच्या जामिनाविरोधात हायकोर्टात अपील केली होती. यावर आता उद्या सुनावणी होणार आहे. मात्र राऊतांच्या जामिनास स्थगिती देण्यास न्यायालयाने नकार दिला आहे.
आज ईडीच्या पीएमएलए कोर्टातून त्यांना जामीन मिळाला आहे. सध्यातरी राऊतांना दिलासा मिळाला असून ते आज संध्याकाळपर्यंत कारागृहाबाहेर येतील.