ठोको ताली... नवज्योतसिंग सिद्धूच्या राजीनाम्याने काॅंग्रेसमध्ये लाफ्टर शो!

आज कॉंग्रेस अध्यक्षा सोनिया गांधी यांच्याकडे त्यांनी आपल्या पदाचा राजीनामा सुपुर्द केला. त्यांनी आपल्या पदाचा राजीनामा देण्यामागे अनेक कारणे आहेत.

नवज्योत सिंग सिद्धू यांनी सोनिया गांधी यांना लिहिलेल्या पत्रात म्हटले आहे की, ''माणसाच्या चारित्र्य पतनाला तडजोडीतून सुरुवात होते.. मी कधीही पंजाबच्या कल्याणाच्या भवितव्याशी तडजोड करु शकत नाही.''

नवज्योतसिंग सिद्धू यांच्यासोबत झालेल्या वादानंतर काँग्रेस हायकमांडने कॅप्टन अमरिंदर सिंग यांचा राजीनामा घेतला होता. त्यामुळे ते नाराज झाले होते.

पंजाब काँग्रेस प्रदेशाध्यक्षपदी नवज्योतसिंह सिद्धू यांची नियुक्ती केल्यानंतर सिद्धू आणि मुख्यमंत्री कॅप्टन अमरिंदर सिंह यांच्यातील वाद मिटण्याची आशा काँग्रेस हायकमांडला होती.

पण तसं न होता हा वाद अधिक चिघळत गेला. शेवटी कॅप्टन अमरिंदर सिंह यांना मुख्यमंत्री पदाचा राजीनामा द्यावा लागला. सिद्धू यांनी राजीनामा देण्यामागे अनेक कारणे असल्याचे सांगितले जात आहे.

1. नव्या मंत्रिमंडळात खातेवाटप करताना त्यांना हायकमांडने सहभागी करुन घेतलं नाही, पोर्टफोलिओ ठरवताना त्यांना विचारले गेले नाही

2.कॅप्टन अमरिंदर सिंग यांनी पद सोडल्यानंतरच काँग्रेस हायकमांडने चरणजीत सिंह चन्नी यांना मुख्यमंत्री केले. पण पंजाबमध्ये नुकत्याच झालेल्या मंत्रिमंडळ विस्तारामुळे नवज्योतसिंग सिद्धू खूश नव्हते.

नव्या मंत्रिमंडळात सुखविंदरसिंग रंधावा यांना गृहमंत्री पद देण्यात आले आहे. मात्र याला नवज्योतसिंग सिद्धू आणि त्यांच्या सहकाऱ्यांचा विरोध होता.

तर दूसरीकडे, कॅप्टन अमरिंदर सिंग हे दिल्लीसाठी आज संध्याकाळी केंद्रिय गृहमंत्री अमित शाह आणि भाजप अध्यक्ष जेपी नड्डा यांची भेट घेणार असल्याची माहितीही समोर आली आहे.

जर नवज्योतसिंह सिद्धू काँग्रेसचा चेहरा असतील तर त्यांच्या पराभवासाठी आपण कोणताही त्याग करायला तयार असल्याचं कॅप्टन अमरिंदर सिंह यांनी म्हटलं आहे.

जर नवज्योतसिंह सिद्धू काँग्रेसचा चेहरा असतील तर त्यांच्या पराभवासाठी आपण कोणताही त्याग करायला तयार असल्याचं कॅप्टन अमरिंदर सिंह यांनी म्हटलं आहे.