बिल गेट्स यांच्या मुलीनं घोडेस्वारांसोबत लग्न केलं ; जाणून घ्या, नायल नासर कोण आहे ?

जेनिफरने 30 वर्षीय घोडेस्वार नायल नासर सोबत लग्न केलं आहे. गेल्या वर्षी जानेवारी महिन्यात या दोघांचा साखरपुडा झाला होता. जेनिफर आणि नासर यांच्या लग्नानंतर शनिवारी दुपारी न्यूयॉर्कमध्ये रिसेप्शन पार्टीही देण्यात आली.

नासर आणि जेनिफर 2017 मध्ये आपल्या नात्याबाबत जगाला सांगितलं होतं. नासर हा एक उत्तम घोडेस्वार आहे. या घोडेस्वारीमुळेच आम्ही दोघं जवळ आलो असं जेनिफर आणि नासर यांनी सांगितलं होतं.

जगातल्या सर्वात श्रीमंत घराण्याचा जावई नायल नासर हा इजिप्तचा आहे. तो सध्या शिकागोमध्ये वास्तव्य करतो मात्र त्याचे आई वडील इजिप्तमध्ये वास्तव्य करतात.

नासरचा सुरूवातीचा काळ कुवैतमध्ये गेला. कुवैतमध्ये त्याच्या आई वडिलांची आर्किटेक्चर आणि डिझाईन फर्म आहे. नायल नासरला एक बाऊ आहे त्याचं नाव शराफ आहे.

नायल नासर हा इजिप्तमधला एक प्रसिद्ध घोडेस्वार आहे. अनेक मोठ्या घोडेस्वारी स्पर्धेत त्याने भाग घेतला आहे. FEI च्या विश्व चषक फायनलसाठी क्वालिफायही केलं होतं.

इंग्लिश, फ्रेंच आणि अरबी भाषा बोलणारा नायल स्टॅनफोर्ड विद्यापीठातून पदवीधर झाला आहे. जेनिफरही याच विद्यापीठात शिकत होती. जेनिफरने बायोलॉजी हा विषय घेऊन पदवीधर झाली आहे.

नायल नासर हा एक व्यावसायिकही आहे. स्टेबल्स LLC ही कंपनीही नायल नासर चावलतो. 2014 मध्ये त्याने ही कंपनी सुरू केली होती.