सरकारनामा ब्यूरो
मोदी-अदानी मैत्रीचे मूळ हे 2002 या वर्षातील आहे. 2002 च्या गुजरात दंगलीनंतर राज्यात उद्योगीकरणासाठी पोषक वातातरण नव्हतं.
मोदींनी उद्योगधंद्यांना आकर्षित करण्यासाठी गुजरातमध्ये मेळ्याव्याचं आयोजन केले होते. याकडे सर्व उद्योजकांनी पाठ फिरवली. अशा वेळी अदानी मोदींच्या साहाय्यास धावून आले.
दंगल उसळलेल्या भागात गुंतवणूक करण्याचा धोका अनेक उद्योजकांनी पत्करला नाही. अशा वेळी मोदींच्या बाजूने अदानी उभे राहिले. अदानी उद्योग समुहाने राज्यात भरीव गुंतवणूक केली.
नरेंद्र मोदी गुजरातचे मुख्यमंत्री असतानाच मुंद्रा बंदर चालवण्याचं कंत्राट अदानींना मिळालं.
एकूणच उर्जा क्षेत्रातही त्यांचा चांगला जम बसला. एक प्रकारे नरेंद्र मोदींच्या औद्योगिक रणनीतीवर अदानी यांनी दाखवलेल्या विश्वासामुळे त्यांची प्रगती होत गेली.
2014 मध्ये नरेंद्र मोदी पंतप्रधान झाले. त्यानंतर मोदी-अदानी संबंध आणखी दृढ झाले.
2008 मध्ये अदानी यांचे साम्राज्य 8 अब्ज अमेरिकन डॉलर इतके होते, ते 2021 मध्ये 78 अब्ज अमेरिकन डॉलरवर पोहोचले होते. 2014 नंतर अदानी यांची संपत्ती शतपटीने वाढत गेली.