Sunil Balasaheb Dhumal
विधानपरिषद सदस्य व माजी कॅबिनेट मंत्री आणि राष्ट्रीय समाज पक्षाचे संस्थापक महादेव जानकर यांचा आज वाढदिवस आहे.
जानकर सांगलीच्या वालचंद महाविद्यालयात विद्यापीठ प्रतिनिधी (यूआर) होते. त्यावेळी ते व्ही. पी. सिंग यांच्या विचारांनी भारावले.
जानकर १९९३ मध्ये यशवंत सेनेचे सेनापती झाले होते. त्यावेळी त्यांनी लग्न न करण्याची, घरी न जाण्याची आणि संपत्ती न जमवण्याची शपथ घेतली.
बसप संस्थापक कांशीराम यांच्या प्रेरणेतून जानकरांनी एनटी-ओबीसी समाजाला शासनकर्ते बनवण्याचा विडा उचलला.
जानकर यांनी २००३ मध्ये राष्ट्रीय समाज पक्षाची स्थापना केली.
नांदेड (१९९८), सांगली (२००६), माढा (२००९), बारामती (२०१४) अशा चार लोकसभा जानकरांनी लढवल्या आहेत.
"प्रत्येक वेळी मी हरत गेलो, पण पक्ष जिंकत गेला. मोठी बाजी जिंकण्यासाठी हार आवश्यक असते", असे जानकर निवडणुकांबाबत सांगतात.
आता २०२४ मधील लोकसभेच्या सर्व जागा राष्ट्रीय समाज पक्ष लढविणार असल्याचे जानकर यांनी सांगितले आहे.