सरकारनामा ब्यूरो
महाराष्ट्राच्या राजकारणात मुंडे घराण्याचे स्थान हे अत्यंत महत्वाचे आहे.
गोपीनाथ मुंडे यांच्या अपघाती निधनानंतर त्यांच्या राजकारणाचा वारसा पंकजा आणि प्रीतम मुंडे या त्यांच्या दोन्ही मुलींनी पुढे नेला.
गोपीनाथ मुंडेच्या पावलावर पाऊल ठेवत प्रीतम यांनी राजकारणाच्या आणि समाजकारणाच्या माध्यमातून अनेक विकास प्रकल्प राबवले आहेत.
महाराष्ट्राच्या राजकारणात गोपीनाथरावांच्या उत्तराधिकारी असलेल्या पंकजा मुंडे या सातत्याने चर्चेत असतात.
गेल्या दोन वेळेस खासदारकीच्या टर्ममध्ये प्रीतम मुंडे यांनी बऱ्यापैकी आपले स्थान निर्माण केले आहे.
प्रीतम मुंडे यांचा आज (17 फेब्रुवारी) वाढदिवस.
प्रीतम मुंडे यांनी 2005 साली डी.वाय. पाटील वैद्यकीय महाविद्यालयातून 'एमबीबीएस'ची पदवी घेतली. त्या 'त्वचारोग तज्ज्ञ' होत्या.
2009 मध्ये प्रीतम मुंडे यांचा विवाह नाशिकच्या गौरव खाडे यांच्याशी झाला.
2014 साली गोपीनाथ मुंडे यांच्या निधनानंतर बीड लोकसभा मतदारसंघात झालेल्या पोटनिवडणुकीत प्रीतम मुंडे यांनी काँग्रेस नेते अशोक पाटील यांचा तब्बल 7 लाख मतांनी पराभव करत लोकसभेत प्रवेश केला.