सरकारनामा ब्यूरो
"प्रवाहा विरुद्ध राजकारण करणारा नेता, अशक्य ते शक्य करून दाखवणारा नेता…" अशी ओळख असणाऱ्या दादाजी भुसे यांचा आज ( 6 मार्च ) वाढदिवस.
काँग्रेस आणि समाजवाद्यांच्या या बालेकिल्ल्यात प्रस्थापित नेत्यांविरोधात संघर्ष करीत त्यांनी राजकारणात उडी घेतली.
कोणतीही राजकीय पार्श्वभूमी नसलेला शिवसैनिक म्हणून त्यांनी गत सरकारमध्ये राज्यमंत्री तर आज कॅबीनेट मंत्रीपदी पदोन्नती मिळवून राज्याच्या राजकारणावर आपला ठसा उमटवला.
मालेगाव बाह्य मतदारसंघाचे आमदार दादाजी भुसे हे सामान्य शेतकरी कुटुंबातले.
प्रतिकुल स्थितीत तरुण वयात शिवसेनेत प्रवेश करुन प्रवाहाविरुध्द राजकारणात उतरून काम केले.
बाळासाहेबांच्या विचाराने प्रेरित होऊन सुरुवातीच्या काळात गावोगावी त्यांनी शिवसेनेच्या शाखा उभ्या केल्या. साधा शिवसैनिक ते तालुकाप्रमुख अशी मजलही त्यांनी मारली.