Deepak Kulkarni
सीबीआय संचालक सुबोध कुमार जयस्वाल यांचा दोन वर्षांचा कार्यकाळ २५ मे रोजी संपणार आहे. यामुळे हे पद रिक्त होणार होते.
नव्या संचालकपदाची निवड करण्याकरता उच्च स्तरीय समितीची स्थापना करण्यात आली होती. यामध्ये पंतप्रधान, सर्वोच्च न्यायालयाचे सरन्यायाधीश आणि लोकसभेतील विरोधी पक्षनेत्याचा समावेश होता.
या समितीने तीन वरिष्ठ आयपीएस अधिकाऱ्यांची निवड केली होती. ही नावे मंत्रिमंडळाच्या निवड समितीकडे पाठविली होती.
त्यापैकी प्रवीण सूद यांची केंद्रीय अन्वेषण विभाग (CBI) येथे संचालकपदी नियुक्ती झाली आहे.
सूद हे कर्नाटकचे पोलीस महासंचालक पदावर सध्या कार्यरत आहेत.
ते कर्नाटकचे १९८६ बॅचचे अधिकारी अधिकारी आहेत.
पुढील दोन वर्षांसाठी ते सीबीआयचे संचालक असणार आहेत.
सरन्यायाधीश आणि पंतप्रधान मोदी यांचे सूद यांच्या नावावर एकमत झाले. तर चौधरी यांनी यावर आक्षेप घेतला होता. यामुळे सूद यांची नियुक्ती सोपी झाल्याचे सूत्रांनी सांगितले.