सरकारनामा ब्यूरो
दरवर्षी ८ मार्च हा दिवस महिला दिन म्हणून साजरा केला जातो. महिला दिनाचा इतिहास, महत्त्व काय आहे, हे जाणून घ्या.
'क्लारा झेटकीन' या महिलेने 1910 साली जागतिक महिला दिनाची सुरुवात केली. खर या दिवसाचा उगम कामगार चळवळीतून झाला.
महिला दिनाचं बीज रोवलं गेल ते 8 मार्च 1908 रोजी न्यूयॉर्कमध्ये वस्त्रोद्योगातील हजारो स्त्री-कामगारांनी रुटगर्स चौकात एकत्र येऊन निदर्शने करत रस्त्यांवर मोर्चा काढला.
कामाचे तास कमी, चांगला पगार आणि मतदानाचा अधिकार, कामाच्या जागी सुरक्षितता या त्यांच्या मागण्या होत्या.
अमेरिकन कामगार स्त्रियांच्या या व्यापक कृतीने क्लारा झेटकिन अतिशय प्रभावित झाल्या.
1910 साली कोपनहेगन येथे भरलेल्या दुसऱ्या आंतरराष्ट्रीय समाजवादी महिला परिषदेत, 8 मार्च 1908 रोजी अमेरिकेतील स्त्री-कामगारांनी केलेल्या ऐतिहासिक कामगिरीच्या स्मरणार्थ, 8 मार्च हा `जागतिक महिला दिन' म्हणून स्वीकारावा हा क्लारा यांनी मांडलेला ठराव पास झाला.
पुढे 1975 हे वर्ष युनोने `जागतिक महिला वर्ष' म्हणून जाहीर केले.
1975 या जागतिक महिला वर्षाच्या निमित्ताने संयुक्त राष्ट्र संघटनेने 'आंतरराष्ट्रीय महिला दिन' साजरा करण्याचे ठरविले.
त्यानंतर 1977 पासून संपूर्ण जगभरात आंतरराष्ट्रीय महिला दिन साजरा केला जात आहे.