सरकारनामा ब्यूरो
गुजरात विधानसभा निवडणुकीत रिवाबा जडेजा जामनगर उत्तर मतदारसंघातून बहुमताने विजयी झाल्या आहेत.
गुजरातमधील जामनगर उत्तर विधानसभा मतदारसंघातून भाजपच्या उमेदवार रिवाबा जडेजा यांनी त्यांचे प्रतिस्पर्धी काँग्रेसचे बिपेंद्रसिंह चतुरसिंह जडेजा यांच्यावर ४०,९६३ मतांनी विजय मिळवला आहे.
२०१९ च्या लोकसभा निवडणुकीआधी म्हणजेच तीन वर्षापूर्वी रिवाबा यांनी बीजेपीमध्ये प्रवेश केला होता.
रिवाबा या मूळच्या राजकोच्या आहेत. त्यांनी राजकोटच्या आत्मिया इन्स्टिट्यूट ऑफ टेक्नॉलॉजी अँड सायन्समधून मेकॅनिकल इंजिनिअरिंगचे शिक्षण घेतले आहे. त्या विविध सामाजिक संस्थांशी जोडल्या गेल्या आहेत.
रवींद्र जडेजा यांनी देखील निवडणुकीच्या प्रचारातह पत्नीची खूप साथ दिली.
रवींद्र जडेजाची बहीण आणि वडील यांनी रिवाबाच्या विरोधात मते मागितल्याने त्यांना त्यांच्या कुटुंबातील सदस्यांकडूनच आव्हान होते. तरी देखील त्या बहुमताने विजयी झाल्या आहेत.