सरकारनामा ब्युरो
राष्ट्रवादीतील बडे नेते, कोल्हापूर जिल्ह्याच्या राजकारात दबदबा असणारे, मोदी लाटेतही आपला गड राखणारे माजी मंत्री, आमदार हसन मुश्रीफ यांचा आज वाढदिवस.
हसन मुश्रीफ यांचा जन्म १९५४ मध्ये झाला. त्यांनी अर्थशास्त्रातून बी.ए.ची पदवी घेतली. त्यांना तीन मुले आणि एक मुलगी आहे.
मुश्रीफ विद्यार्थीदशेपासूनच चळवळीत सक्रिय होते. काँग्रेसचे जिल्हा उपाध्यक्ष म्हणून राजकीय कारकीर्द सुरू केली. नंतर ते राष्ट्रवादीत सक्रिय झाले.
राष्ट्रवादीचे सर्वेसर्वा शरद पवार यांचे खंदे समर्थक अशी ओळख असलेल्या मुश्रीफांकडे कोल्हापूर जिल्हा राष्ट्रवादीचा सर्व कारभार आहे.
कागल विधानसभा मतदारसंघातून ते १९९९ पासून सलग पाचवेळा निवडून आले आहेत.
मुश्रीफ यांनी पशूसंवर्धन आणि दूग्ध विकास राज्यमंत्री, नगरविकास मंत्री, जलसंपदा (कृष्णा खोरे) मंत्री ही जबाबदारी सांभाळली आहे.
मतदार संघात चांगलं काम करणाऱ्या अधिकाऱ्यांसह कर्मचारी व नागरिकांना ते सतत प्रोत्साहन देतात.
सध्या मुश्रीफ यांच्या मागे ईडीच्या चौकशीचा ससेमिरा लागला आहे.