अनुराधा धावडे
गुजरात राज्याच्या विधानसभा निवडणुकांसाठी येत्या 1 डिसेंबर व 5 डिसेंबर रोजी दोन टप्प्यात मतदान होणार आहे.
निकाल 8 डिसेंबर रोजी मतमोजणी पार पडणार आहे.
यावर्षी गुजरात निवडणुकीत 4.9 कोटी मतदार मतदान करतील, असा अंदाज आहे.
गुजरात विधानसभेत 182 जागा असून बहुमतासाठी 92 जागांची आवश्यकता असते.
गुजरातमध्ये भाजप, कॉंग्रेस, भारतीय ट्रायबल पार्टी, राष्ट्रवादी कॉंग्रेस, एआयएमआयएम, समता पार्टी हे चार मुख्य पक्ष असून यंदा आम आदमी पार्टीही निवडणुकींच्या रिंगणात उतरली आहे.
यापुर्वी गुजरातमध्ये २०१७ मध्ये झालेल्या विधानसभा निवडणुकीत भाजप ने सत्ता स्थापन केली होती. यावेळी भाजपला ९९ जागा मिळाल्या होत्या.
विजय रुपानी यांनी गुजरातच्या मुख्यमंत्री पदाची शपथ घेतली
पण गेल्या वर्षी ११ सप्टेंबर २०२१ ला त्यांनी मुख्यमंत्री पदाचा राजीनामा दिला आणि भुपेंद्र पटेल गुजरातचे नवे मुख्यमंत्री झाले.
विशेष म्हणजे गुजरातमध्ये गेल्या २७ वर्षापासून भारतीय जनता पक्षाची सत्ता आहे.
यंदा या निवडणुकीत कॉंग्रेस, आणि आम आदमी पक्षानेही संपुर्ण ताकद पणाला लावली आहे. त्यामुळे या निवडणुकीकडे संपूर्ण देशाचे लक्ष लागून राहिले आहे.