सरकारनामा ब्यूरो
उपमुख्यमंत्री देवेंद्र फडणवीस यांना आजवर आपण राजकारणात विरोधकांवर फटकेबाजी करताना पाहिले असेल.
भिवंडी येथे आयोजित करण्यात आलेल्या 'खासदार क्रीडा महोत्सवांतर्गत केंद्रीय पंचायती राज राज्यमंत्री चषक' स्पर्धेमध्ये फडणवीस यांनी मैदानात केलेली फटकेबाजी हा कौतुकाचा विषय ठरत आहे.
भिवंडीचे भाजप खासदार कपिल पाटील यांनी आपल्या वाढदिवसाच्या निमित्ताने खासदार चषक 2023 या स्पर्धेचे आयोजन केले होते.
कपिल पाटील हे गोलंदाजी करत असताना फडणवीस यांनी थेट षटकार लावून आपले कौशल्य दाखवून दिले.
फडणवीस बॅटिंग करत असतानाचा एक व्हिडीओ सुद्धा सध्या सोशल मीडियावर पाहायला मिळत आहे.
बॅटिंग करतानाचा व्हिडीओ सोशल मीडियावर तुफान हिट झाला आहे.
केवळ राजकारणातच नाही तर मैदानात सुद्धा फडणवीस मातबर आहेत, अशा प्रतिक्रिया त्यांच्या चाहत्यांकडून व्यक्त करण्यात येत आहे.