Chetan Zadpe
जेव्हा दादा कोंडके यांचा उल्लेख होतो तेव्हा, शिवसेनाप्रमुख बाळासाहेब ठाकरे यांचा उल्लेख केला जातो. दादा आणि ठाकरे यांच्या मैत्रीचे अनेक किस्से ऐकालायला मिळतात.
शिवसेनेच्या सभांमधून राजकारण्यांवर दादांनी आपल्या अनोख्या शैलीत टीका केली.
'सोंगाड्या'चित्रपटाच्या निमित्तानं दादा आणि बाळासाहेब भेटले, दोघांमध्ये घट्ट मैत्री झाली. दादांच्या शेवटच्या क्षणापर्यंत बाळासाहेबांनी ही मैत्री जपली. पण सक्रिय राजकारणापासून दादा लांबच राहिले.
१९९५ मध्ये शिवसेनेचे सरकार स्थापन झाले होते. त्यावेळी बाळासाहेबांनी दादांना मंत्रीपदाची ऑफर दिली होती. पण सक्रिय राजकारण नकोच, म्हणून दादांनी मंत्रीपदाची ती ऑफर नाकारली.
बाळासाहेबांनी दादांना विचारलं की, कोणतं मंत्रिपद हवं? यावर दादांनी बाळासाहेबांना विचारलं की, तुम्ही कोणतं पद घेताय? बाळासाहेब म्हणाले की, मी सेनाप्रमुखच राहणार. यावर दादा म्हणाले, जर तुम्ही सेनाप्रमुखच राहणार असाल तर मग मी देखील शिवसैनिकच राहणार.
कोहिनूर थिएटरच्या मालकाकडे कोंडके यांनी चार आठवडे आधीच थिएटर बुक केले होते. मात्र, तरीही त्याने दादांचा चित्रपट दाखवला नाही. त्यानंतर दादांनी बाळासाहेबांकडे धाव घेतली. आणि ‘सोंगाड्या’ कोहिनूरमध्ये प्रदर्शित झाला.
गोकुळाष्टमीच्या दिवशी मध्य मुंबईतील नायगाव येथे गिरणी कामगार कुटुंबात दादांचा जन्म झाला. गोकुळाष्टमीच्या दिवशी जन्म झाल्याने दादांचे नाव कृष्ण ठेवण्यात आले.
१४ मार्च १९९८ दादांना हृदयविकाराचा झटका आला. यामुळे दादांचा मृत्यू झाला. मात्र, त्यांच्या मृत्यूच्या काही महिन्यांनंतर समोर आले की, डॉक्टरांनी शवविच्छेदन करण्याचा निर्णय घेतला. मात्र, तेव्हा अचानकपणे कोंडके यांना त्यांच्या घरी आणण्यात आले होते.