सरकारनामा ब्यूरो
मुख्यमंत्री एकनाथ शिंदे यांच्या हस्ते औरंगाबाद जिल्ह्यातील सिल्लोड येथे राज्यस्तरीय कृषी महोत्सवाचे रविवारी उद्घाटन करण्यात आले.
यावेळी केंद्रीय रेल्वे राज्यमंत्री रावसाहेब दानवे, केंद्रीय वित्त राज्यमंत्री डॉ. भागवत कराड, पालकमंत्री संदीपान भुमरे, कृषी मंत्री अब्दुल सत्तार, सहकार मंत्री अतुल सावे, खासदार इम्तियाज जलील आदी उपस्थित होते.
उद्घाटनानंतर मुख्यमंत्री शिंदे यांनी प्रदर्शनातील विविध कृषी दालनांना भेट देऊन शेतकऱ्यांशी संवाद साधला.
शेतीतील नवतंत्रज्ञान, नवे प्रयोग याविषयी शेतकऱ्यांकडून माहिती जाणून घेतली.
या महोत्सवात कला, क्रीडा आणि संस्कृतिक कार्यक्रमांचे आयोजन करण्यात आले आहे.
महोत्सवाला प्रेक्षकांची मोठ्याप्रमाणावर उपस्थिती होती.
यावेळी अजय - अतुल व संपूर्ण टीमचे स्वागत करण्यात आले.