अनुराधा धावडे
ए के अँटोनी यांचे पूर्ण नाव अरक्कप्पारामपिल कुर्यान अँटनी असे आहे. त्यांचा जन्म 28 डिसेंबर 1940 रोजी केरळच्या अलप्पुझा जिल्ह्यातील चेरताला येथे झाला.
1957 मध्ये त्यांच्या वडिलांच्या निधनानंतर के.अँटोनी यांनी स्वत: कष्ट करुन आपले शिक्षण पूर्ण केले.
1970 मध्ये ए. के. अँटनी पहिल्यांदा आमदार झाले.
ए. के. अँटोनी यांनी केंद्रीय मंत्री आणि तीन वेळा केरळचे मुख्यमंत्री म्हणून राज्याचा कारभार केला
वयाच्या अवघ्या ३७ व्या वर्षी ए.के अँटनी पहिल्यांदा केरळचे मुख्यमंत्री झाले.
आपल्या राजकीय कारकिर्दीत त्यांनी तीन वेळा केरळच्या मुख्यमंत्री पदाचा कारभार सांभाळला झाले.
ए. के. अँटनी काँग्रेस संसदीय समितीचे अध्यक्ष होते.यासोबतच ए.के. अँटनी हे तीन वेळा केंद्रीय मंत्री, तर पाच वेळा राज्यसभेचे खासदार राहिले आहेत.
27 एप्रिल 1977 रोजी त्यांनी पहिल्यांदा केरळच्या मुख्यमंत्री पदाचा कारभार हाती घेतला. ते 27 ऑक्टोबर 1978 पर्यंत ते या पदावर होते.
त्यानंतर १९९५ मध्ये ते दुसऱ्यांदा मुख्यमंत्री झाले. तर २००१ मध्ये त्यांनी तिसऱ्यांदा मुख्यमंत्रीपदाचा कारभार हाती घेतला आणि आपला कार्यकाळ पूर्ण केला.
त्यांनी आपल्या कार्यकाळात राज्य कर्मचाऱ्यांसाठी बेरोजगारी भत्ता, सण भत्ता सुरू केला. केरळच्या अर्थव्यवस्थेला पुनरुज्जीवित करण्यासाठी त्यांनी अनेक महत्त्वाचे निर्णय घेतले.