अनुराधा धावडे
गेल्या महिन्यात २७ ऑगस्ट रोजी एक गरोदर भारतीय महिला पोर्तुगालची राजधानी लिस्बन येथे पर्यटनासाठी गेली होती.
पण अचानक प्रकृती बिघडल्याने महिलेला तातडीने लिस्बनमधील जवळच्या रुग्णालयात नेण्यात आले.
या रुग्णालयात जागा उपलब्ध नसल्याने दुसऱ्या रुग्णालयात नेताना तिला हृदयविकाराचा झटका आला.
अशा गंभीर परिस्थितीतही तिला जवळच्या रुग्णालयात दाखल करण्यात आले
महिलेचे सिझेरियन करुन तिच्या बाळाला वाचवण्यात यश मिळाले पण यादरम्यान महिलेचा मृत्यू झाला
महिलेच्या मृत्यूची बातमी देशात वाऱ्यासारखी पसरली. यानंतर पोर्तुगालच्या आरोग्यमंत्री मार्टा टेमिडो यांच्यावर चारही बाजूंनी टीका होऊ लागली.
काही दिवसांपूर्वीच मार्टा टेमिडो यांनी आपत्कालिन प्रसूती उपचार सेवा बंद करण्याचा निर्णय घेतला होता.
भारतीय पर्यटक महिलेला त्यांच्या या निर्णयाचा फटका बसल्याने पोर्तुगालमध्ये आरोग्यमंत्र्यांविरोधात चारही बाजूंनी टीका होऊ लागली. त्यानंतर मार्टा टेमिडो यांना पदाचा राजीनामा दिला.