सरकारनामा ब्यूरो
खासदार नवनीत राणा या महाराष्ट्राच्या राजकारणामध्ये गेल्या काही दिवसांपासून सर्वाधिक चर्चेत आहेत.
2022 मध्ये राणा दाम्पत्यांनी तत्कालीन मुख्यमंत्री उद्धव ठाकरे यांच्या 'मातोश्री'या निवासस्थाना समोर जाऊन हनुमान चालीसा वाचण्याचं आव्हान दिलं होतं.
नवनीत राणांनी आता हनुमान जयंतीनिमित्त 21 वेळा सामुहिक हनुमान चालीसा पठण करण्याचा सकल्प केल्यामुळे त्या पुन्हा चर्चेत आल्या आहेत.
नवनीत राणांचा जन्म मुंबईत झाला. बारावीनंतर त्यांनी मॉडलिंगला सुरूवात केली. त्यानंतर त्यांनी अभिनेत्री म्हणून करिअरला सुरुवात केली.
नवनीत राणांनी आतापर्यंच 20 पेक्षा जास्त चित्रपटात काम केलं. त्यांना मराठी, पंजाबी, हिंदी, तेलुगू आणि इंग्रजी भाषा येतात.
2011 मध्ये सामूहिक विवाह सोहळ्यात रवी राणा यांच्याशी नवनीत राणा यांनी विवाह केला.
नवनीत राणा या मूळच्या पंजाबच्या आहेत. त्यांनी आधी अभिनेत्री म्हणून दाक्षिणात्य चित्रपटांमध्ये स्वत:ची ओळख निर्माण केली. त्यानंतर त्या राजकारणात आल्या.
2014 च्या लोकसभा निवडणुकीत त्यांनी अमरावतीमधून राष्ट्रवादी काँग्रेसच्या तिकिटावर निवडणूक लढवली. मात्र, त्यांना पराभवाला सामोरं जावं लागलं होतं.
2019 च्या लोकसभा निवडणुकीत नवनीत राणांनी अपक्ष उमेदवार म्हणून अर्ज भरला आणि विजय मिळवून सर्वांना आश्चर्याचा धक्का दिला.
नवनीत राणा या एकेकाळी अभिनेत्री म्हणून मोठ्या पडद्यावर झळकायच्या. आता त्या संसदेमध्ये तितक्याच उत्तम पद्धतीने आपल्या मतदारसंघामधील प्रश्न मांडताना दिसतात.