राज हे भाजपवर तोफगोळे टाकत असताना अमित प्रेक्षकांत उभे राहून भाषण ऐकत होते...

राज हे भाजपवर तोफगोळे टाकत असताना अमित प्रेक्षकांत उभे राहून भाषण ऐकत होते...

राजकीय नेत्यांची मुले थेट व्यासपीठावर जाऊन नेते होतात....पण अमित राज ठाकरे अजूनही श्रोत्यांत उभे राहून वडिलांचे भाषण ऐकतात..

मुंबई : मनसेप्रमुख राज ठाकरे हे काल व्यासपीठावरून भाजप सरकारवर तोफगोळे डागत असताना त्यांचे चिंरजीव अमित ठाकरे मात्र प्रेक्षकांत उभे राहून वडिलांचे भाषण ऐकत होते. राज यांच्याकडून थेट शिकवणी अमित यांनी घेतल्याची त्यामुळे चर्चा सुरू झाली.

अमित हे लग्नानंतर बहुधा पहिल्यांदाच पक्षाच्या कार्यक्रमात सहभागी झाले. ते पण व्यासपीठावर नेता म्हणून नाही तर श्रोता म्हणून. राज ठाकरे यांनी पक्षाच्या वर्धापनदिनानिमित्त लोकसभा निवडणूक जाहीर होण्याची आधी पक्ष कार्यकर्त्यांशी संवाद साधला. 

त्यांनी लोकसभा निवडणुकीत कोणाशी युती करणार की नाही, याचा खुलासा केला नाही. मात्र भाजपविरोधातील आपली लढाई आक्रमकपणे लढण्याचे सूतोवाच त्यांनी केले. अमित हे आता लोकसभेच्या निवडणुकीच्या रणधुमाळीत पक्षाच्या व्यासपीठावरून भाषण करणार का, याची आता उत्सुकता आहे.

राज ठाकरे यांना एका मुलाखतीत अमित ठाकरे यांनी कोणाकडून राजकारणाचे धडे घ्यावेत, असा प्रश्न विचारला होता. त्यावर मी घरात गोट्या खेळतो का, असा प्रतिप्रश्न करत जोरदार टोला लगावला होता. आता कालच्या भाषणातून अमित यांनी कोणते धडे घेतले, हे लवकरच कळेल. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com