अमेरिकन निर्माते बनविणार शिवरायांवर चित्रपट ! 

अमेरिकन निर्माते बनविणार शिवरायांवर चित्रपट ! 

नवी दिल्ली : हॉलिवूडमधील मार्टिनी फिल्म्स व पिंक जग्वार एंटरटेनमेंट या नामवंत संस्था भारतातील निर्माते व सरकारच्या संयुक्त सहकार्याने छत्रपती शिवाजी महाराजांवरील एका भव्य चित्रपटाची निर्मिती लवकरच करणार आहेत. 

त्याबरोबरच माजी राष्ट्रपती डॉ. एपीजे अब्दुल कलाम यांचे बायोपीक व भारताच्या पहिल्या स्वातंत्र्यलढ्यासह अन्य चार चित्रपटांचीही निर्मिती या संस्था करतील. याद्वारे भारतात एक अब्ज डॉलरची गुंतवणूक होईल. 

डॉ. कलाम यांच्यावरील बायोपीकचा "फर्स्ट लुक' केंद्रीय माहिती-प्रसारणमंत्री प्रकाश जावडेकर यांच्या हस्ते आज प्रसिध्द करण्यात आला. यावेळी जगदीश दानेटी, सुवर्ण पप्पू, मार्टिन आदी उपस्थित होते. 

डॉ. कलाम यांच्यावरील "एपीजे अब्दुल कलाम: द मिसाइल मॅन' या चित्रपटात लोकप्रिय दाक्षिणात्य अभिनेता अली हा डॉ. कलाम यांची भूमिका साकारणार आहे. यावर्षाअखेरपर्यंत हा चित्रपट रसिकांच्या भेटीला आणण्याचा निर्मात्यांचा निर्धार आहे. हॉलीवूड निर्माता जॉनी मार्टीन व जगदीश दानेटी हे चित्रपटाचे निर्माते आहेत. 

जावडेकर यांनी सांगितले की हॉलीवूड व टॉलीवूडच्या संयुक्त प्रयत्नांतून साकारणाऱ्या या चित्रपटाबरोबरच अन्य चार चित्रपटांचीही निर्मिती करण्यात येईल. यात शिवरायांवर आणि भारताच्या पहिल्या स्वातंत्र्यलढ्यावरील चित्रपटांचाही समावेश असेल. यातून एक अब्ज डॉलर इतकी गुंतवणूकही देशात होणार आहे.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com