अकोल्यात सभापतिपदासाठी भाजपच्या "यंग ब्रिगेड'मध्ये रस्सीखेच 

अकोला महापालिकेच्या स्थायी समिती सभापती पदासाठी भाजपच्या यंग ब्रिगेड मध्ये जोरदार रस्सीखेच सुरू झाली आहे. विशेष म्हणजे त्यात बाळ टाले आणि अजय शर्मा यांची नावे आघाडीवर आहे.
अकोल्यात सभापतिपदासाठी भाजपच्या "यंग ब्रिगेड'मध्ये रस्सीखेच 

अकोला : महापालिकेच्या स्थायी समिती सभापती पदासाठी भाजपच्या यंग ब्रिगेड मध्ये जोरदार रस्सीखेच सुरू झाली आहे. विशेष म्हणजे त्यात बाळ टाले आणि अजय शर्मा यांची नावे आघाडीवर आहे. खासदार संजय धोत्रे यांचे वजन ज्याच्या पारड्यात पडेल, तोच सभापती पदावर विराजमान होणार असल्याने सध्या भाऊंची मर्जी आपल्याकडे वळवण्यासाठी इच्छुकांचे आटोकाट प्रयत्न सुरू आहेत. 

अकोला महापालिकेच्या सार्वत्रिक निवडणुकीत सर्वाधिक अठ्ठेचाळीस नगरसेवक विजयी करीत भाजपने एकहाती सत्ता ताब्यात घेतली आहे. महापौर, उपमहापौर निवडीनंतर महापालिकेत स्थायी समितीसाठी धुमशान सुरू झाले आहे. भाजपच्या दहा सदस्यांसह सदस्यीय स्थायी समितीचे गठण करून सदस्यांची नावे विभागीय आयुक्तांकडे पाठविण्यात आली आहे. त्यांच्याकडून मान्यता मिळून सभापती निवडण्यासाठी स्थायी समितीची विशेष सभा बोलविण्याच्या हालचाली सुरू झाल्या आहेत. 

एप्रिलपूर्वी सभा बोलाविली जाण्याची शक्‍यता आहे. महापालिकेच्या आर्थिक नाडी समजल्या जाणाऱ्या स्थायी समिती सभापती पदासाठी सध्या भाजपमध्ये जोरदार रस्सीखेच सुरू आहे. सभापती पदावर युवा नगरसेवकाची वर्णी लागण्याची शक्‍यता असून यामध्ये बाळ टाले आणि अजय शर्मा यांची नावे आघाडीवर आहेत. बाळ टाले हे खासदार संजय धोत्रे यांचे तर अजय शर्मा हे आमदार गोवर्धन शर्मा यांचे निकटवर्तीय समजले जातात. 

महापालिका कोअर कमिटीचे प्रमुख पद खासदार धोत्रे यांच्याकडे होते. त्याच्याच नेतृत्वात भाजपने या निवडणुकीत जोरदार मुसंडी मारली. त्यात आमदार गोवर्धन शर्मा आणि आमदार रणधीर सावरकर यांची भक्कम साथ त्यांना मिळाली. त्यामुळे सभापती पदावर खासदार धोत्रे ज्याही नगरसेवकाला समोर करीत त्याची सभापती पदावर वर्णी लागणार आहे. सध्या तरी इच्छुकांकडून खासदार धोत्रे यांची मन वळविण्याचा प्रयत्न सुरू असून त्यांची हिरवी झेंडी मिळविण्यासाठी आटोकाट प्रयत्न सुरू आहेत. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com