गृह खाते अजित पवारांना नाही तर शिवसेनेला मिळणार

मुंबई : गृह खात्याबद्दलचा अजित पवार यांच्या कथित आग्रहाची दखल न घेता गृहखाते शिवसेनेकडेच राहणार आहे. मात्र, नागपुरात होणाऱ्या हिवाळी अधिवेशनात विघ्न नको, यासाठी खाते वाटपाची घोषणा सध्या न करता अधिवेशन काळात कोणत्या खात्याची उत्तरे कोण देणार, याचा निर्णय होईल.

नगरविकास तसेच ग्रामविकास ही दोन्ही खाती शिवसेनेला मिळतील. अर्थ आणि गृहनिर्माण ही खाती राष्ट्रवादी कॉंग्रेसला, तर महसूल अन्‌ आदिवासी विकासखाते कॉंग्रेसकडे राहतील. कॉंग्रेसला चांगली खाती मिळाली नाहीत, अशी तक्रार करीत एका ज्येष्ठ नेत्याने आमच्या प्रमुखाने वाटाघाटी नीट केल्या नाहीत, अशी खंत व्यक्त केली.

संभाव्य खातेवाटप
शिवसेना : गृह, नगरविकास, परिवहन, उद्योग, सामाजिक न्याय, पर्यावरण, उच्च व तंत्रशिक्षण.
राष्ट्रवादी कॉंग्रेस : अर्थ आणि नियोजन, गृहनिर्माण, कृषी, सार्वजनिक आरोग्य, सहकार, सार्वजनिक बांधकाम.
कॉंग्रेस : महसूल, ऊर्जा, जलसंपदा, आदिवासी विकास, वैद्यकीय शिक्षण, शालेय शिक्षण, महिला व बालकल्याण.