राजसाहेब, अजितदादाही हसतात हे घ्या फोटो ! 

राजसाहेब, अजितदादाही हसतात हे घ्या फोटो ! 

मुंबई : राष्ट्रवादीचे नेते अजित पवार यांच्यावर राज ठाकरे यांनी 'ते कधी तरी हसलेत का' अशी टीका केली होती. त्या टिकेने राष्ट्रवादी युवक कॉंग्रेसच्या रणरागिणी भलत्याच संतापल्या आहे. अजितदादांच्या हसण्याची साधी माहितीही नसलेल्या ठाकरे यांना राष्ट्रवादी युवती कॉंग्रेसच्या मुंबई अध्यक्षा अदिती नलावडे यांनी दादांचे हसण्याचे अनेक फोटोच राज ठाकरेंना भेट म्हणून पाठवले आहेत. त्यासोबत एक पत्रही पाठवून त्यात ठाकरे यांच्याकडून करण्यात येत असलेल्या नकालावरही नलावडे यांनी जोरदार टीका केली आहे. 

अजित दादा हे पक्षाचे विधिमंडळ नेते, माजी उपमुख्यमंत्री आहेत. ते आमचे प्रेरणास्थान आहेत. ते जनतेचे नेते आहेत म्हणूनच त्याना जनता भरघोस मतांनी निवडून देते. असे सांगून नलावडे यांनी अजितदादा यांना 1999 पासून ते 2014 पर्यंतच्या निवडणुकीत किती मते मिळाली याची आकडेवारीच दिली आहे. 

दादा हे आज सत्तेत नसताना रोज सकाळी 7 वाजता लोकांना भेटतात. त्यामुळे राजकीय नेत्यांची पात्रता ही त्यांच्या मतांच्या आकडेवारीवरून, त्यांच्या स्वीकृतीवरून ठरते. त्यामुळे राज ठाकरे यांनी लोकांच्या नकला करण्यापेक्षा दादांप्रमाणे जनतेचे प्रश्न गांभीर्याने समजून घेण्याचा प्रयत्न करावा असे आवाहन नलावडे यांनी ठाकरे यांना केले आहे. 
 


 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com