निवेदिता मानेंना पक्षाने देता येईल तेवढे दिले!

मतभेद असले, तरी सर्वजण शरद पवार यांचे नेतृत्व मानतात.
निवेदिता मानेंना पक्षाने देता येईल तेवढे दिले!

इचलकरंजी : लोकसभा निवडणुकीसाठी कॉंग्रेस व राष्ट्रवादी कॉंग्रेस यांच्यातील 40 जागांचे वाटप पूर्ण झाले आहे. उर्वरित आठ जागांबाबत  संयुक्त बैठकीत निर्णय घेण्यात येणार आहे, अशी माहिती राष्ट्रवादीचे नेते अजित पवार यांनी येथे दिली. 

येथील बालाजी पतसंस्थेच्या कार्यक्रमाला आले असता त्यांनी पत्रकारांशी संवाद साधला. लोकसभा निवडणुकीसाठी कॉंग्रेस-राष्ट्रवादी मित्रपक्षांत जागावाटपाचे काम सुरू आहे. आतापर्यंत 40 जागांबाबत निर्णय झाले आहेत. अधिवेशन आणि कॉंग्रेसच्या संघर्षयात्रेमुळे आठ जागांबाबत निर्णय घेणे अद्याप प्रलंबित आहे. बुधवारी (ता. 19) याबाबत पुन्हा बैठक होणार आहे. त्यामध्ये हा निर्णय होईल, असे श्री. पवार यांनी सांगितले. 

पक्षातील स्थानिक गटबाजीबाबत विचारले असता, अजित पवार यांनी स्थानिक पातळीवर मतभेद असले, तरी सर्वजण शरद पवार यांचे नेतृत्व मानतात. अन्य राजकीय पक्षांतही स्थानिक पातळीवर मतभेद असल्याचे स्पष्टीकरण दिले. 

श्रीमती निवेदिता माने यांच्या शिवसेना प्रवेशाबाबत बोलताना ते म्हणाले, "राष्ट्रवादीने त्यांना महिला आघाडीचे राष्ट्रीय अध्यक्ष केले. जिल्हा बॅंकेत अध्यक्ष केले. दोनवेळा खासदार केले. त्यामुळे पक्षाने देता येईल तेवढे त्यांना दिले आहे.'' 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com