मला नवा महाराष्ट्र घडवायचाय: आदित्य ठाकरे 

दुष्काळमुक्त, भयमुक्त, आत्महत्या व बेरोजगारमुक्त नवा महाराष्ट्र घडवणे हे माझे स्वप्न आहे, मात्र हे माझे एकट्याचे काम नाही, यासाठी विधानसभेत मला जिल्ह्यातील महायुतीच्या सर्व आमदारांची गरज आहे.
मला नवा महाराष्ट्र घडवायचाय: आदित्य ठाकरे 

शिरोली पुलाची (कोल्हापूर):  माझ्याबरोबर महायुतीच्या सर्व उमेदवारांना तुमचा आशीर्वाद द्यावा, असे आवाहन युवासेना प्रमुख आदित्य ठाकरे यांनी केले.

हातकणंगले विधानसभा मतदारसंघातील शिवसेना-भाजप महायुतीचे उमेदवार आमदार डॉ. सुजित मिणचेकर यांच्या विजय निर्धार सभेत ते बोलत होते. शिरोली पुलाची (ता. हातकणंगले) येथील धर्मवीर संभाजीराजे चौकात ही सभा झाली.

आदित्य ठाकरे म्हणाले, "आता वेळ आली आहे, नव महाराष्ट्र घडवण्याची, बेरोजगारीमुक्त, दुष्काळमुक्त, प्रदूषणमुक्त, सुशिक्षित व सुरक्षित महाराष्ट्र घडवण्याचे स्वप्न मी पाहिले आहे. मी एकटा नवा महाराष्ट्र घडवू शकत नाही, त्यासाठी मला तुमची भक्कम साथ हवी आहे व तेव्हाच सुजलाम सुफलाम महाराष्ट्र घडू शकेल.''

खासदार धैर्यशील माने म्हणाले, "विकासातून हातकणंगले तालुक्‍याला नवसंजीवनी देण्याचे काम आमदार डॉ. मिणचेकर यांनी केले आहे.''

आमदार डॉ. सुजित मिणचेकर म्हणाले, "निवडणुकीत आयात केलेल्या उमेदवारांना सूज्ञ मतदार जागा दाखवतील.'' 

शिवसेनेचे जिल्हाप्रमुख मुरलीधर जाधव, मंगलताई चव्हाण, जिल्हा परिषद सदस्य प्रवीण यादव, शिवसेनेचे तालुकाप्रमुख बाजीराव पाटील, माजी जिल्हा परिषद सदस्य महेश चव्हाण, नागावचे सरपंच अरुण माळी, मंगलराव माळगे, विजय भोसले, रावसाहेब तांबे, अभिनंदन सोळांकुरे, भाजपचे सतीश पाटील, माजी उपसरपंच राजेश पाटील, बाबासाहेब शिंगे, किरण मिठारी यांची भाषणे झाली. सुरेशदादा पाटील, संजय पाटील, सयाजी पाटील, अरविंद खोत, संदीप कारंडे, सुनील सुतार, भिकाजी सावंत आदी उपस्थित होते.


 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com