अब्दुल सत्तार यांनी 1984 मध्ये ग्रामपंचायत निवडणुकीच्या माध्यमातून त्यांनी राजकारणामध्ये प्रवेश केला. ग्रामपंचायतीच्या निवडणुकीत यश मिळवल्यानंतर सत्तार यांनी तालुक्याच्या राजकारणावर लक्ष केंद्रित करत 1994-95 मध्ये सिल्लोड नगरपालिकेची निवडणूक लढवली त्यानंतर ते नगराध्यक्षही झाले. नगरपालिकेच्या माध्यमातून राजकारणाचा पाया मजबूत केल्यानंतर 1999 मध्ये त्यांनी कॉंग्रेस पक्षात प्रवेश केला आणि विधानसभेची उमेदवारी मागितली. परंतु पक्षाने त्यांना उमेदवारी नाकारली म्हणून त्यांनी अपक्ष उमेदवारी दाखल केली त्यांनी लक्षवेधी मते मिळवली, पण त्यांचा पराभव झाला. 2001 मध्ये कॉंग्रेसने अब्दुल सत्तार यांना औरंगाबाद-जालना स्थानिक स्वराज्य मतदारसंघातून विधान परिषदेवर घेतले. 2014 च्या विधानसभा निवडणुकीत कॉंग्रेसकडून अब्दुल सत्तार यांनी मोदी लाटेतदेखील विजय संपादन करत आपली ताकद सिद्ध केली. अब्दुल सत्तार हे सध्या औरंगाबाद जिल्हा कॉंग्रेसचे अध्यक्ष आहेत. माजी मुख्यमंत्री व कॉंग्रेसचे प्रदेशाध्यक्ष खासदार अशोक चव्हाण यांचे निकटवर्तीय म्हणून अब्दुल सत्तार ओळखले जातात.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.