बदलापूर शहरात पक्ष वाढीसाठी चांगली संधी : कॅप्टन आशिष दामले 

बूथ प्रतिनिधी नेमून ज्या प्रभागात पक्षाचे काम बऱ्यापैकी आहे तेथे लक्ष दिले जाईल.-कॅ. आशीष दामले, शहराध्यक्षराष्ट्रवादी कॉंग्रेस, बदलापूर
Badalapur-Damle
Badalapur-Damle

बदलापूर :  राष्ट्रवादीचे प्रदेश सरचिटणीस असलेल्या कॅप्टन आशीष दामले यांच्यावर बदलापूर शहराध्यक्षपदाची धुरा सोपविण्यात आली आहे. मावळते शहराध्यक्ष कालिदास देशमुख यांची प्रदेश चिटणीसपदी नियुक्ती करण्यात आली आहे.

शहरात पक्ष वाढीसाठी अतिशय चांगले वातावरण असल्याची प्रतिक्रिया नवनियुक्त शहराध्यक्ष दामले यांनी व्यक्त केली. ज्यांची शरद पवार यांच्या विचारावर निष्ठा आहे, अशा जुन्या पदाधिकाऱ्यांच्या भेटी घेण्यापासून कार्याला प्रारंभ करणार असल्याचे त्यांनी सांगितले.

बदलापूर शहर आणि आसपासच्या भागात पाच वर्षांपूर्वी राष्ट्रवादीची ताकद होती. मुरबाडचे विद्यमान आमदार किसन कथोरे हे राष्ट्रवादीतून आमदार होते; तर आज भाजपत आणि शिवसेनेत असलेले अनेक दिग्गज नगरसेवक त्यावेळी राष्ट्रवादीत होते.

मात्र, पाच वर्षांपूर्वी मोदी लाटेत अनेकांनी भाजप आणि शिवसेनेत उड्या घेतल्या. त्यामुळे आगामी विधानसभा आणि पालिका निवडणुकीसाठी पक्ष बांधणी व्हावी, यासाठी पक्षाने खांदेपालट सुरू केली आहे.

बदलापूर पालिकेच्या निवडणुकीत पक्षांतर्गत गटबाजीमुळे अवघे दोन नगरसेवक निवडून आले. शहरात आशीष दामले यांचा एक गट, तर कालिदास देशमुख यांचा शहराध्यक्षाचा गट असे दोन गट दिसत होते. या दोन गटांतील संघर्ष टाळण्याचा प्रयत्न केल्याची चर्चा सध्या आहे. पक्षाने माझ्या आंदोलनाची दखल घेत मला प्रदेश पातळीवर काम करण्याची संधी दिल्याची प्रतिक्रिया कालिदास देशमुख यांनी दिली.

कार्यकर्त्यांना एकत्र करून नव्याने सुरुवात करायची आहे. विधानसभा निवडणुकीत पक्षाची भरारी दाखवून देण्याचा प्रयत्न केला जाईल. बूथ प्रतिनिधी नेमून ज्या प्रभागात पक्षाचे काम बऱ्यापैकी आहे तेथे लक्ष दिले जाईल, असे कॅ. आशीष दामले यांनी सांगितले .

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com