शिवसेनेला शह देण्यासाठी भाजप मुंबई पदवीधरच्या रिंगणात उतरणार?

मुंबई पदवीधर मतदारसंघात 8 जूनला निवडणूक होणार असून, या मतदारसंघात 59 हजार 23 पदवीधरांची नोंदणी झाली आहे. ज्येष्ठ संसदपटू प्रमोद नवलकर यांच्यापासून शिवसेना लढत असलेल्या या जागेवर त्यांच्या निधनानंतर डॉ. दीपक सावंत उमेदवार झाले. हा मतदारसंघ शिवसेनेचा बालेकिल्ला मानला जात असतानाच या वेळी अश्विन मेहता नावाच्या एका समाजसेवकानेही पत्रके छापली आहेत. येत्या २२ मे पर्यंत अर्ज भऱण्याची मुदत आहे.
शिवसेनेला शह देण्यासाठी भाजप मुंबई पदवीधरच्या रिंगणात उतरणार?

मुंबई : गेली कित्येक वर्षे शिवसेनेची हक्‍काची जागा ठरलेल्या मुंबई पदवीधर मतदारसंघात प्रवेश करण्याची भाजपची इच्छा आहे. पक्ष नेतृत्वाने परवानगी दिल्यास शिवसेनेला आव्हान देण्याची तयारी मुंबई भाजपचे अध्यक्ष आशीष शेलार आणि त्यांच्या चमूने केली आहे. युतीमधील तणाव पालघर पोटनिवडणुकीनिमित्त टोकाला गेला असतानाच शिवसेनेच्या या गडात शिरण्याची भाषा भाजपने सुरू केली आहे. दुसरीकडे शिवसेनेने या निर्णयाचे स्वागत करीत "या तुमचे स्वागत'च असल्याची प्रतिक्रिया दिली आहे.

मुंबई पदवीधर मतदारसंघात 8 जूनला निवडणूक होणार असून, या मतदारसंघात 59 हजार 23 पदवीधरांची नोंदणी झाली आहे. ज्येष्ठ संसदपटू प्रमोद नवलकर यांच्यापासून शिवसेना लढत असलेल्या या जागेवर त्यांच्या निधनानंतर डॉ. दीपक सावंत उमेदवार झाले. हा मतदारसंघ शिवसेनेचा बालेकिल्ला मानला जात असतानाच या वेळी अश्विन मेहता नावाच्या एका समाजसेवकानेही पत्रके छापली आहेत. 

या अमराठी उमेदवाराला भाजपची साथ आहे, अशी शंका शिवसेनेने प्रारंभापासूनच घेणे सुरू ठेवले होते. पालघरनंतर उद्‌भवलेल्या परिस्थितीत भाजपच्या मुंबई शाखेने पक्षाचा निर्णय झाल्यास मैदानात उतरण्याची तयारी असल्याचे निवडणूक कार्यक्रम घोषित होताच काल श्रेष्ठींची भेट घेऊन नमूद केले. मुख्यमंत्री देवेंद्र फडणवीस आणि प्रदेशाध्यक्ष रावसाहेब दानवे निर्णय घेतील, आम्ही त्याची अंमलबजावणी करू, असे मुंबई भाजपतर्फे सांगितले जाते आहे.

59 हजार मतदारांपैकी सुमारे 45 हजार मतदार आमच्या संपर्कातील आहेत, असे शिवसेनेच्या एका नेत्याने "सकाळ'ला सांगितले. शिवसेनेला या जागेवरील विजयाची कमालीची खात्री आहे. डॉ. सावंत यांनाच पुन्हा उमेदवारी मिळेल, असे मानले जात असताना उमेदवार कोण, याचा निर्णय "मातोश्री'वर होईल, असे सांगण्यात आले.

भाजपने मात्र शिवसेनेने केलेल्या नोंदणीचा आकडा मोठा असला तरी आमचेही पदवीधर मतदारांमध्ये काम झाले आहे, असे असल्याचे नमूद करणे सुरू ठेवले आहे. मुंबई महापालिकेच्या निवडणुकीत मराठी मतदार शिवसेना समर्थक आणि अमराठी मतदार भाजपधार्जिणा असे चित्र तयार झाले होते. त्याचीच पुनरावृत्ती या निवडणुकीनिमित्त होईल काय, असा प्रश्‍न आहे. शिवसेनेशी यासंदर्भात संपर्क साधला असता पक्षप्रवक्‍ते ऍड. अनिल परब यांनी भाजप या निवडणुकीत उतरणार असेल तर त्यांचे स्वागतच आहे, अशी प्रतिक्रिया दिली.

मराठी भाषेच्या संवर्धनासाठी मराठी अभ्यास केंद्रामार्फत प्रयत्न करणारे प्रा. दीपक पवार या निवडणुकीत उतरणार आहेत. त्यांच्या संस्थेनेही नोंदणीचे आवाहन वेळोवेळी केले होते. प्रा. पवार यांनी "सकाळ'ला सांगितले की, मला पाठिंबा द्या, असे आवाहन आपण राजकीय पक्षांना करणार असल्याचे सांगितले. गेल्या निवडणुकीत एक हजाराच्या आत मते मिळवणारे कॉंग्रेस-राष्ट्रवादी कॉंग्रेस नेमकी कोणती भूमिका घेणार याकडेही लक्ष आहे.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com