who will win in ranjangao | Sarkarnama


ब्रेकिंग न्यूज

पुणे : धनगर समाजाच्या आरक्षणासाठी शिवसेना पक्ष प्रमुख उद्धव ठाकरे दिनांक 21 फेब्रवारी रात्री 8 वाजता धनगर समाजाच्या शिष्टमंडळासह मुख्यमंत्र्यांना भेटणार.'

रांजणगाव गणपती कोणाला पावणार? श्रीमंत पंचायतीची लक्षवेधी निवडणूक

नागनाथ शिंगाडे
सोमवार, 24 सप्टेंबर 2018

तळेगाव ढमढेरे : रांजणगाव गणपती(ता.शिरूर)येथील ग्रांमपंचायतीची पंचवार्षिक निवडणूक येत्या बुधवारी(ता.२६)होत असून तालुक्याचे लक्ष लागलेल्या या चुरशीच्या निवडणुकीत सत्ताधारी महागणपती ग्रामविकास पॅनेल आणि विरोधी श्री मंगलमूर्ती ग्रामविकास पॅनेलमध्ये सरळ व चुरशीची लढत होत आहे.

या निवडणुकीत सत्ताधारी महागणपती पॅनेलकडून दत्तात्रेय पाचुंदकर आणि विरोधी मंगलमूर्ती पॅनेलकडून सर्जेराव खेडकर या दोघांमध्ये सरपंचपदासाठी चुरशीची निवडणुक होत आहे.तसेच एकूण साहा प्रभागातून ग्रांमपंचायतीच्या १७ जागांसाठीही दोन्ही पॅनेलमध्ये निवडणूक होत आहे.

तळेगाव ढमढेरे : रांजणगाव गणपती(ता.शिरूर)येथील ग्रांमपंचायतीची पंचवार्षिक निवडणूक येत्या बुधवारी(ता.२६)होत असून तालुक्याचे लक्ष लागलेल्या या चुरशीच्या निवडणुकीत सत्ताधारी महागणपती ग्रामविकास पॅनेल आणि विरोधी श्री मंगलमूर्ती ग्रामविकास पॅनेलमध्ये सरळ व चुरशीची लढत होत आहे.

या निवडणुकीत सत्ताधारी महागणपती पॅनेलकडून दत्तात्रेय पाचुंदकर आणि विरोधी मंगलमूर्ती पॅनेलकडून सर्जेराव खेडकर या दोघांमध्ये सरपंचपदासाठी चुरशीची निवडणुक होत आहे.तसेच एकूण साहा प्रभागातून ग्रांमपंचायतीच्या १७ जागांसाठीही दोन्ही पॅनेलमध्ये निवडणूक होत आहे.

विधानसभेचे माजी अध्यक्ष व आमदार दिलीप वळसे पाटील यांच्या माध्यमातून रांजणगावचा गेल्या १० वर्षात सर्वांगीण विकास केल्यामुळे जनता पुन्हा आमच्या हातात ग्रांमपंचायतीची सुत्रे देणार असल्याचा कणखर दावा सत्ताधारी महागणपती पॅनेलचे प्रमुख जिल्हा परिषदेचे माजी सदस्य शेखर पाचुंदकर,जिल्हा राष्ट्रवादी युवक काॅग्रेसचे माजी अध्यक्ष मानसिंग पाचुंदकर व जिल्हा परिषद सदस्या स्वाती पाचुंदकर आदींनी केला आहे.

सत्ताधारय़ांवर टिका करणारे विरोधी मंगलमूर्ती पॅनेलचे प्रमुख पंचायत समितीचे माजी उपसभापती प्रभाकर पाचुंदकर,माजी सरपंच भिमाजीराव खेडकर,माजी जिल्हा परिषद सदस्या कविता खेडकर आदींनी आमच्या पॅनेलचा विजय होईल असा दावा केला आहे.

अष्टविनायक महागणपतीचे तिर्थक्षेत्र व पंचतारांकित एमआयडीसी असलेल्या या रांजणगावच्या ग्रांमपंचायत निवडणुकीकडे सर्वांचे लक्ष लागले असून दोन्ही पॅनेलकडून मतदारांच्या घराघरात जावून गाठीभेटी घेवून प्रचार यंत्रणा राबविली आहे.तसेच पदयात्रा,गाठीभेटी,घोंगडी बैठका,सोशल मीडिया,पोष्टर,बॅनर्स आदींच्या माध्यमातून मतदारांमध्ये जनजागृती करण्यात आली आहे.

या निवडणुकीत मोठी आर्थिक उलाढाल होणार असून मताचे मूल्य मोठ्या किमतीने मोजले जाणार असल्याची चर्चा असून या श्रीमंत ग्रामपंचायतीची चावी सत्ताधारयांकडे राहणार की विरोधकांकडे जाणार याकडे सर्वांचे लक्ष लागले आहे.

दरम्यान,रांजणगाव गणपती या ग्रांमपंचायतीच्या निवडणुकीसाठी शासकीय यंत्रणा सज्ज झाली असून प्रत्येक प्रभागात मतदान केंद्राची व्यवस्था करण्यात आली आहे.तहसीलदार रणजित भोसले,रांजणगाव एमआयडीसी पोलिस ठाण्याचे पोलिस निरीक्षक मनोजकुमार यादव यांच्या मार्गदर्शनाखाली निवडणूकीची पूर्ण तयारी झाली आहे.गुरूवारी मतमोजणी होणार आहे.

संबंधित लेख