विश्वजितराजेंना अपेक्षित असलेला माणमधील 'तो' सुसंस्कृत नेता कोण?

फलटण (सातारा) : गेले काही दिवस माणचे आमदार जयकुमार गोरे यांच्याकडून सुरू असलेल्या टिकेला फलटणच्या निंबाळकर घराण्याकडून जोरदार प्रत्त्युत्तर देण्यात आले आहे. 

नव्या पिढीचे प्रतिनिधी आणि फलटण पंचायत समितीचे सदस्य विश्वजितराजे रघुनाथराजे नाईक-निंबाळकर यांनी आमदार गोरे यांची संभावना 'गावगुंड' अशी केली आहे. गोरे हे विकासकामांत पुर्णपणे अपयशी ठरल्याचा आरोप करून त्यांच्या फालतूगिरीचा अंत जवळ आल्याचे म्हटले आहे. त्याबरोबरत माणमध्ये एक सुसंस्कृत नेता निवडून येईल असे भाकित त्यांनी केले आहे. त्यामुळे फलटणचे निंबाळकर माणच्या राजकारणात यावेळी जातीने लक्ष घालणार, हे स्पष्ट आहे.