पुणे : शालेय शिक्षणमंत्री विनोद तावडे यांनी आज विधानसभेत मराठा आरक्षणावरुन विरोधकांवर जोरदार हल्लाबोल केला. मराठ्यांना आरक्षण मिळू नये, अशी मानसिकता कॉंग्रेस- राष्ट्रवादीची भूमिका असल्याची टीका त्यांनी केली.
मराठा आरक्षणाचा अहवाल पटलावर मांडण्याची मागणी विरोधी पक्षनेते राधाकृष्ण विखे पाटील यांनी केली. त्यावर विनोद तावडे म्हणाले, विरोधी पक्षनेते आणि त्यांना पाठिंबा देणारा विरोधी पक्ष मराठ्यांना आरक्षण मिळू नये म्हणून प्रयत्न करीत आहे. सभागृहाबाहेर ते मराठ्यांना ओबीसींतर्गत स्वतंत्र प्रवर्ग करुन आरक्षण देण्याची मागणी करत आहेत. आत येवून ओबीसींना धक्‍का लावू नका, असे सांगत आहेत. अहवाल पटलावर ठेवा, असे म्हणत आहेत. त्यांनी न्यायालयात जाण्यासाठी वकिलांची फौज तयार ठेवली आहे, मात्र सरकार योग्य पद्धतीने काम करत असल्याचे तावडे म्हणाले.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.