उदयनराजेंपुढे एकच पर्याय...अटक ! 

खंडाळ्यातील सोना अलाइन्स कंपनीच्या मालकाला खंडणी मागितल्याप्रकरणी साताऱ्याचे खासदार उदयनराजे भोसले यांच्यासह सहाजणांवर गुन्हा दाखल झाला होता. या प्रकरणात अटकपूर्व जामीन मिळविण्यासाठी उदयनराजेंनी उच्च न्यायालयात दाखल केलेल्या अर्जावर काल निर्णय होऊन त्यांचा अर्ज फेटळण्यात आला. त्यामुळे उदयनराजेंपुढे स्वत: हून न्यायालयासमोर हजर होण्याचा एकच व्यवहार्य पर्याय शिल्लक आहे.
उदयनराजेंपुढे एकच पर्याय...अटक ! 
उदयनराजेंपुढे एकच पर्याय...अटक ! 

सातारा : खंडाळ्यातील सोना अलाइन्स कंपनीच्या मालकाला खंडणी मागितल्याप्रकरणी साताऱ्याचे खासदार उदयनराजे भोसले यांच्यासह सहाजणांवर गुन्हा दाखल झाला होता. या प्रकरणात अटकपूर्व जामीन मिळविण्यासाठी उदयनराजेंनी उच्च न्यायालयात दाखल केलेल्या अर्जावर काल निर्णय होऊन त्यांचा अर्ज फेटळण्यात आला. त्यामुळे उदयनराजेंपुढे स्वत: हून न्यायालयासमोर हजर होण्याचा एकच व्यवहार्य पर्याय शिल्लक आहे. 

ंखंडणीचा गुन्हा दाखल झाल्यानंतर तब्बल चार महिने उदयनराजे संपर्काबाहेर आहेत. केवळ अधूनमधून त्यांचे काही विशेष कारणांनी सातारकरांना "दूर'दर्शन होत आहे. ते साताऱ्यात नसल्याने जिल्ह्याच्या राजकिय वर्तुळातही शांतता आहे. तसेच जिल्हा नियोजन समितीच्या निवडणुकीतही त्यांच्या सातारा विकास आघाडीच्या जिल्हा परिषद सदस्य व नगरसेवकांना इतरांची मदत घ्यावी लागत आहे. उदयनराजेंनी आता नेमकी कोणती भुमिका घ्यावी, यासंदर्भात त्यांच्या निवडक समर्थकांची आज बैठक होणार आहे. यामध्ये स्वत:हून हजर होऊन जामीनावर मुक्तता करून घेणे याचपर्यायाकडे सर्वाधिक कार्यकर्त्यांचा कल आहे. 

सर्वोच्च न्यायालयात जामीनासाठी अर्ज करण्याचा पर्याय असलातरी तो व्यवहार्य नाही, असे काहींचे मत आहे. खंडणीचा गुन्हा मागे घ्यावा, यासाठी सरकारकडे प्रयत्न करुनही दिलासा मिळालेला नाही. सत्र न्यायालयाने जामीन फेटाळल्यानंतर उच्च न्यायालयात दाद मागून निर्णय होईंपर्यंत चार महिने गेले. इतके दिवस उदयनराजे आणि कार्यकर्त्यांचा संपर्क नाही. त्यामुळे उदयनराजे व समर्थकांचे राजकीय नुकसान होत आहे. उच्च न्यायालयात दिलासा मिळाला नाही, तसा तो सर्वोच्च न्यायालयातही मिळण्याची शक्‍यता कमी आहे. त्यामुळे स्वत:हून हजर होऊन जामिनासाठी प्रयत्न करणे, हाच व्यवहार्य पर्याय असल्याची बहुतांश कार्यकर्त्यांची धारणा आहे. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com