औरंगाबादः मराठा आरक्षणाच्या मागणीसाठी सुरु झालेल्या दुसऱ्या टप्यातील आंदोलनाने उग्र रुप धारण केले आहे. सोमवारी काकासाहेब शिंदे यांनी जलसमाधी आंदोलनात आपला जीव गमावल्यानंतर मंगळवारी (ता.24) देवगाव रंगारी (ता. कन्नड) येथे रास्तारोको आंदोलना दरम्यान आणखी दोन आंदोलकांनी आत्महत्येचा प्रयत्न केला.
कायगांव टोका येथील गोदापात्रात उडी घेऊन जीव गमावलेल्या काकासाहेब शिंदे यांच्या पार्थीवावर अंत्यसंस्कार होत नाही तोच आणखी दोन आंदोलकांनी आत्महत्येचा प्रयत्न कन्नड तालुक्‍यातील देवगांवरंगारी येथे केला. सकाळी अकरा वाजेच्या सुमारास देवगाव रंगारी येथे जुन्या निजाम पुलावरून रास्तारोको आंदोलन सुरू होते. यावेळी जयेंद्र सोनवणे (28) या तरुणाने पुलावरून कोरड्या नदीपात्रात उडी घेऊन आत्महत्या करण्याचा प्रयत्न केल्याने एकच खळबळ उडाली.
तर दुसऱ्या घटनेत जगन्नाथ विश्‍वनाथ सोनवणे (55) यांनी देखील विषप्राशन करुन आत्महत्येचा प्रयत्न केला. या दोघांनाही तातडीने औरंगाबाद येथील शासकीय रुग्णालयात दाखल करण्यात आले असून त्यांच्यावर उपचार सुरू आहेत.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.