thakare and aurangabad | Sarkarnama

औरंगाबादमध्ये बाळासाहेब ठाकरेंचा 93 फुट उंचीचा पुतळा व उद्यान उभारणार

माधव इतबारे
मंगळवार, 20 नोव्हेंबर 2018

औरंगाबाद : शहरातील एमजीएम जवळच्या प्रियदर्शिनी उद्यानाच्या सतरा एकर जागेत शिवसेनाप्रमुख दिवंगत बाळासाहेब ठाकरे यांचा 93 फूट उंचीचा भव्य पुतळा उभारण्याचा निर्णय महापालिकेने घेतले आहे. या कामाची 45 कोटी रुपयांची निविदा डिसेंबरमध्ये प्रसिद्ध होणार असल्याचे महापौर नंदकुमार घोडेले यांनी मंगळवारी (ता. 20) सांगितले. शिवसेनाप्रमुख कै. बाळासाहेब ठाकरे स्मृती उद्यान व स्मारक उभारण्याचा निर्णय महापालिकेने तीन वर्षापूर्वी घेतला होता. त्यासाठी जिल्हा नियोजन समितीने पाच कोटी रुपयांचा निधीही महापालिकेला दिला. मात्र पीएमसी नियुक्तीमध्येच महापालिकेचा बराच वेळ गेला. 

औरंगाबाद : शहरातील एमजीएम जवळच्या प्रियदर्शिनी उद्यानाच्या सतरा एकर जागेत शिवसेनाप्रमुख दिवंगत बाळासाहेब ठाकरे यांचा 93 फूट उंचीचा भव्य पुतळा उभारण्याचा निर्णय महापालिकेने घेतले आहे. या कामाची 45 कोटी रुपयांची निविदा डिसेंबरमध्ये प्रसिद्ध होणार असल्याचे महापौर नंदकुमार घोडेले यांनी मंगळवारी (ता. 20) सांगितले. शिवसेनाप्रमुख कै. बाळासाहेब ठाकरे स्मृती उद्यान व स्मारक उभारण्याचा निर्णय महापालिकेने तीन वर्षापूर्वी घेतला होता. त्यासाठी जिल्हा नियोजन समितीने पाच कोटी रुपयांचा निधीही महापालिकेला दिला. मात्र पीएमसी नियुक्तीमध्येच महापालिकेचा बराच वेळ गेला. 

यासंदर्भात सोमवारी (ता.19) रात्री मुंबईत मातोश्रीवर शिवसेना पक्षप्रमुख उद्धव ठाकरे यांच्या अध्यक्षतेखाली बैठक घेण्यात आली. यावेळी पालकमंत्री डॉ. दीपक सावंत, खासदार चंद्रकांत खैरे, महापौर नंदकुमार घोडेले यांच्यासह महापालिका पदाधिकाऱ्यांची उपस्थिती होती. बाळासाहेब ठाकरे स्मृती उद्यान आणि स्मारक उभारण्याच्या कामाचे 45 कोटींचे अंदाजपत्रक तयार करण्यात आले आहे. प्रकल्प व्यवस्थापन सल्लागार म्हणून मे. ऑर्कहोम यांची नियुक्ती करण्यात आली असून, त्यांनी तयार केलेला सविस्तर आराखडा अंतिम करण्यात आला आहे. 

हा आराखडा उद्धव ठाकरे यांना दाखविण्यात आला. पहिल्या टप्प्यात 28 कोटी आणि दुसऱ्या टप्प्यात 17 कोटी रुपयांच्या कामांची निविदा काढण्याचे महापालिकेने ठरविले होते. मात्र, दोन्ही कामांसाठी एकच निविदा काढण्याची सूचना ठाकरे यांनी केली. 
17 एकरात होणार स्मारक 
बाळासाहेब ठाकरे स्मृती उद्यान व स्मारक 17 एकर जागेत उभारण्यात येणार आहे. या जागेत बाळासाहेबांचा 93 फूट उंच पुतळा, म्युझियमही राहील. बाळासाहेबांचे मराठवाड्याशी जिव्हाळ्याचे संबंध होते, त्यामुळे त्यांची क्षणचित्रे चित्रफितीच्या रूपात दाखविण्याची सोयही या ठिकाणी करण्यात येणार आहे. 

संबंधित लेख