एसटी कामगारांचा जुलैमध्ये बेमुदत संप ?

ज्या वेळी राज्य शासकीय कर्मचाऱ्यांना सातवा वेतन आयोग लागू होईल, त्यावेळी एसटी कामगारांना पदनिहाय वेतनश्रेण्यांसह सातवा वेतन आयोग लागू करण्यात यावा
ST-BUS
ST-BUS

मुंबई  : सातवा वेतन आयोग लागू करा, यासह अन्य काही मागण्यांवरून एसटी महामंडळ आणि मान्यताप्राप्त एसटी संघटनेतील वाद विकोपाला जात असल्याची चिन्हे आहेत. मागण्या पूर्ण करण्यासाठी महाराष्ट्र एसटी कामगार संघटनांसह त्यांना पाठिंबा देणाऱ्या अन्य काही संघटनांनी जुलै महिन्यात बेमुदत संप करण्याची तयारी चालवली आहे. संपाची तारीख निश्‍चित करण्यासाठी लवकरच बैठकही घेण्यात येणार आहे. 

सातवा वेतन आयोग लागू करा, ही मागणी करत महाराष्ट्र एसटी कामगार संघटनेने सध्याचा चार वर्षांचा करार केलेला नाही. या आयोगामुळे कामगारांना चांगला पगार मिळेल, अशी आशा संघटनांना आहे. एसटी महामंडळाने या मागणीवर अद्याप विचार केला नसल्याने संपाची तयारी केली आहे. त्यासाठी 26 व 27 मे रोजी कामगारांचे मत जाणून घेण्यासाठी राज्यभर मतदानही घेण्यात आले.


 मतदानामध्ये 85 हजार 55 कामगारांनी मतदान केले. त्यापैकी 84 हजार 975 कामगारांनी संपाला पाठिंबा दिला, तर 75 कामगारांनी त्याविरुद्ध मत नोंदविले आणि 5 कामगारांची मते बाद झाली आहेत.

यासंदर्भात महाराष्ट्र एसटी कामगार संघटनेचे जनरल सेक्रेटरी हनुमंत ताटे यांनी सांगितले की, कामगारांनी संप करण्यास दिलेला पाठिंबा विचारात घेऊन ज्या वेळी राज्य शासकीय कर्मचाऱ्यांना सातवा वेतन आयोग लागू होईल, त्यावेळी एसटी कामगारांना पदनिहाय वेतनश्रेण्यांसह सातवा वेतन आयोग लागू करण्यात यावा, अन्यथा मतदानाचा कौल विचारात घेऊन संघटनेकडून बेमुदत संप पुकारण्यात येईल. हा संप जुलै महिन्यात करण्यात येणार असून त्याची तारीख लवकरच जाहीर केली जाईल. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com