शेवगाव (जि. नगर) : आमदारांच्या जवळचा नातेवाईक असल्याचे भासवून शेवगाव पोलीस ठाण्यातील पोलीस निरीक्षक गोविंद ओमासे यांना सहा लाख २० हजार रुपयांना गंडा घालण्याचा धक्कादायक प्रकार शेवगाव येथे घडला.
याबाबत शेवगाव पोलीस ठाण्यात पोलीस निरीक्षक ओमासे यांच्या फिर्यादीवरुन शिवसंग्राम पक्षाचे तालुकाध्यक्ष नवनाथ हरिचंद्र इसारवाडे ( रा. गदेवाडी, ता. शेवगाव ) याच्याविरुध्द फसवणुकीचा गुन्हा दाखल करण्यात आला आहे.
ओमासे यांनी फिर्यादीत म्हटले आहे की, इसारवाडे यांनी १० फेब्रुवारी २०१८ पासून ते ५ आॅगस्ट २०१८ या कालावधीत आमदार विनायक मेटे यांचा नातेवाईक आहे. तसेच त्यांनी स्थापन केलेल्या शिवसंग्राम संघटनेचा तालुकाध्यक्ष आहे, असे सांगत विश्वास संपादन केला. त्यानंतर मोबाईल ( क्रमांक ९४२३२४९१९१) वर वेळोवेळी संपर्क करुन एका अज्ञात साथीदारांच्या मदतीने हुबेहुब आमदार विनायक मेटे यांच्या आवाजात वेगेवगेळ्या कारणासाठी पैशाची मागणी केली.
साक्षीदाराकडून सहा लाख २० हजार रुपयांची रक्कम घेवून फसवणूक केली आहे. अशा फिर्यादीवरुन शेवगाव पोलीस ठाण्यात इसारवाडे व एका अज्ञात इसमाविरुध्द फसवणुकीचा गुन्हा दाखल करण्यात आला आहे. पुढील तपास सहाय्यक पोलीस निरीक्षक नितीन मगर हे करीत आहेत.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.